മുന്‍ പാകിസ്താന് ക്രിക്കറ്റ് താരമായിരുന്നു ഷാഹിത് അഫ്രീദിയുടെ ഇന്ത്യാ-വിരുദ്ധ നിലപാടിനെതിരെ ശക്തമായി പ്രതിഷേധിച്ചുകൊണ്ട് ഗൗതം ഗംഭീര്‍ രംഗത്ത്. കശ്മീരില്‍ നടക്കുന്ന വെടിവെപ്പില്‍ നിരപരാധികളെ ഇന്ത്യന്‍ ഭരണവ്യവസ്ഥ കൊന്നൊടുക്കുകയാണെന്നും എന്തുകൊണ്ടാണ് യു.എന്‍ പോലുള്ള അന്താരാഷ്ട്ര സംഘടനകള്‍ ഈ രക്തച്ചൊരിച്ചില്‍ അവസാനിപ്പിക്കാന്‍ ശ്രമിക്കാത്തതെന്ന് തനിക്ക് മനസ്സിലാവുന്നില്ലായെന്നുമാണ് ഷാഹിദ് അഫ്രീദി ട്വിറ്ററിലൂടെ പറഞ്ഞത്.
Appalling and worrisome situation ongoing in the Indian Occupied Kashmir.Innocents being shot down by oppressive regime to clamp voice of self determination & independence. Wonder where is the @UN & other int bodies & why aren't they making efforts to stop this bloodshed?
— Shahid Afridi (@SAfridiOfficial) April 3, 2018
ഇതിന് മറുപടിയായിട്ടാണ് ഇന്ത്യന്‍ ക്രിക്കറ്റ് താരം ഗൗതം ഗംഭീര്‍ രംഗത്തെത്തിയിരിക്കുന്നത്. ഷാഹിദ് തിരയുന്നത് യു.എന്നെ മാത്രമാണെന്നും അദ്ദേഹത്തിന്റെ മുരടിച്ച നിഘണ്ടുവില്‍ യു.എന്‍ എന്ന വാക്കിന്റെ അര്‍ത്ഥം അണ്ടര്‍ നയന്റീന്‍ എന്നാണെന്ന് പറഞ്ഞായിരുന്നു ഗൗതമിന്റെ മറുപടി.
Media called me for reaction on @SAfridiOfficial tweet on OUR Kashmir & @UN. What’s there to say? Afridi is only looking for @UN which in his retarded dictionary means “UNDER NINTEEN” his age bracket. Media can relax, @SAfridiOfficial is celebrating a dismissal off a no- ball!!!
— Gautam Gambhir (Modi Ka Parivar) (@GautamGambhir) April 3, 2018
ഷാഹിദ് അഫ്രീദിയുടെ പ്രായത്തെച്ചൊല്ലി പണ്ടു തൊട്ടെ ഒരു വിവാദം നിലനില്‍ക്കുന്നുണ്ട്. അദ്ദേഹം തന്റെ ഔദ്യോഗികമായ പ്രായത്തെക്കാള്‍ മുതിര്‍ന്നയാളാണെന്ന് പരാമര്‍ശങ്ങളുണ്ട്.
2007ല്‍ കളി നടന്നുകൊണ്ടിരിക്കുന്നതിനിടെ ഷാഹിദ് അഫ്രീദിയും ഗൗതം ഗംഭീറും തമ്മില്‍ വാക്ക്തര്‍ക്കം ഉണ്ടായിരുന്നു.
മുമ്പും ഷാഹിദ് അഫ്രീദി ഇന്ത്യാ-വിരുദ്ധ നിലപാടെടുത്തിട്ടുണ്ട്. 2016ല്‍ ആസ്‌ത്രേലിയക്കെതിരെ മൊഹാലിയില്‍ ട്വന്റി 20 മാച്ച് നടന്നതിന് ശേഷം കശ്മീരില്‍ നിന്നും പാകിസ്താനില്‍ നിന്നും വന്ന് തങ്ങളുടെ ടീമിനെ പ്രോത്സാഹിപ്പിച്ചവര്‍ക്കെല്ലാം അഫ്രീദി നന്ദി പറഞ്ഞിരുന്നു.
I want to thank people from Calcutta. I thank people who came and supported us from Pakistan and Kashmir: Shahid Afridi
— ANI (@ANI) March 25, 2016
Discussion about this post