സൂറിച്ച്: താന്‍ ഫിഫ പ്രസിഡന്റ് സ്ഥാനം രാജിവെക്കുകയാണെന്ന് സെപ്പ് ബ്ലാറ്റര്‍ അറിയിച്ചു ഏറെ വിവാദങ്ങള്‍ക്കൊടുവില്‍ തിരഞ്ഞെടുപ്പില്‍ ജയിച്ച ബ്ലാറ്റര്‍ ഒരാഴ്ചയ്ക്കകമാണ് തികച്ചും അപ്രതീക്ഷിതമായി രാജി പ്രഖ്യാപിച്ചിരിക്കുന്നത്.
ഫിഫ തനിയ്ക്ക് ഏറ്റവും പ്രിയപ്പെട്ടതാണെന്നും എന്നാല്‍ എല്ലാവരുടെയും തൃപ്തിയില്ലാതെ പ്രസിഡന്റ് സ്ഥാനത്ത് തുടരാന്‍ ആഗ്രഹിക്കുന്നില്ലെന്നും ബ്ലാറ്റര്‍ വാര്‍ത്താസമ്മേളനത്തില്‍ പറഞ്ഞു. ഫിഫയ്ക്കും ഫുട്‌ബോളിനും ഉന്നമനമുണ്ടാകുന്ന കാര്യങ്ങള്‍ മാത്രം ചെയ്യാനാണ് ഞാന്‍ ആഗ്രഹിക്കുന്നത്. സംഘടനയ്ക്ക് നല്ലതെന്ന് വിശ്വസിച്ചിരുന്നതിനാല്‍ വീണ്ടും തിരഞ്ഞെടുപ്പില്‍ മത്സരിക്കാന്‍ ഞാന്‍ നിര്‍ബന്ധിതനാവുകയായിരുന്നു ബ്ലാറ്റര്‍ കൂട്ടിച്ചേര്‍ത്തു.
കോടികളുടെ അഴിമതി ആരോപണങ്ങള്‍ക്കും ഫിഫ ഉദ്യോഗസ്ഥരുടെ അറസ്റ്റിനുമിടെയാണ് മെയ് 30ന് ഫിഫ പ്രസിഡന്റ് തിരഞ്ഞെടുപ്പ് നടന്നത്. ജോര്‍ദാന്‍ രാജകുമാരന്‍ അലി ബിന്‍ ഹുസൈന് ആയിരുന്നു സെപ്പ് ബ്ലാറ്ററുടെ എതിരാളി. തിരഞ്ഞെടുപ്പിലെ ആദ്യ റൗണ്ടില്‍ ബ്ലാറ്റര്‍ക്ക് 133 വോട്ടും ഹുസൈന് 73 വോട്ടുമാണ് ലഭിച്ചത്. ഇതേതുടര്‍ന്ന് അലി ബിന്‍ ഹുസൈന് തിരഞ്ഞെടുപ്പില്‍ നിന്ന് പിന്‍മാറുകയായിരുന്നു.
അഞ്ചാം വട്ടം പ്രസിഡണ്ടായി തെരഞ്ഞെടുക്കപ്പെട്ട ബ്ലാസ്റ്റര്‍ 1998ലാണ് ബ്ലാറ്റര്‍ അന്താരാഷ്ട്ര ഫുട്‌ബോള്‍ അസോസിയേഷന്‍ പ്രസിഡന്റായി ആദ്യമായി തിരഞ്ഞെടുക്കപ്പെട്ടത്.
Discussion about this post