ലോകത്തിലേറ്റവും കൂടുതല്‍ മണ്‍ചെരാതുകള്‍ തെളിയിച്ച റെക്കോഡുമായി യോഗി സര്‍ക്കാരിന്‍രെ ദീപാവലി ആഘോഷം. മൂന്നുലക്ഷം ദീപങ്ങളുടെ മായികമായ പ്രഭയില്‍ ഈ വര്‍ഷം സരയൂനദിക്കരയില്‍ ദീപാവലി ആഘോഷിങ്ങള്‍ക്ക് സാക്ഷ്യം വഹിച്ചത്. ആഘോഷങ്ങള്‍ക്ക് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനോടൊപ്പം ഉത്തരകൊറിയന്‍ പ്രഥമവനിത കിം ജുങ് സുക്കും ഈ അവിസ്മരണീയമായ ദിനത്തില്‍ ശ്രീരാമദേവന്റെ ജയത്തിന്റെ സ്മരണപുതുക്കാന്‍ അയോദ്ധ്യയിലെത്തിയിരുന്നു.
ഉത്തരകൊറിയന്‍ പ്രഥമവനിത ദീപാവലി ആഘോഷിയ്ക്കാന്‍ അയോദ്ധ്യയിലെത്തിയത് യാദൃശ്ചികമായല്ല. അയോദ്ധ്യയും ഉത്തരകൊറിയയും തമ്മില്‍ അഭേദ്യമായ ബന്ധമാണുള്ളത്.
ഐതിഹ്യങ്ങള്‍ പ്രകാരം അയോദ്ധ്യയിലെ രാജകുമാരിയായിരുന്ന സുരരത്‌ന രാജകുമാരി കൊറിയയിലെ ഒരു നാടുവാഴിയെ വിവാഹം ചെയ്ത് അവരുടെ പിന്‍ഗാമികളാണ് ഇന്നത്തെ ഉത്തരകൊറിയയിലെ ജനതയെന്നാണ് അവര്‍ വിശ്വസിയ്ക്കുന്നത്. ആ വംശപരമ്പരയിലെ ജനത ഇപ്പോഴും അയുത എന്ന സ്ഥാനപ്പേരുപയോഗിയ്ക്കാറുണ്ടെന്നും അയുത എന്ന പേര്‍ അയോദ്ധ്യ എന്ന നാമം ലോപിച്ചുണ്ടായതെന്നുമാണ് ഐതിഹ്യം.
അയോദ്ധ്യയിലെ അന്നത്തെ മഹാരാജാവിനുണ്ടായ സ്വപ്നദര്‍ശനമാണ് മകളെ ഈ വിദൂരദേശത്തേയ്ക്ക് വിവാഹം കഴിച്ചയയ്ക്കാന്‍ കാരണമായതെന്നാണ് ജനങ്ങള്‍ വിശ്വസിയ്ക്കുന്നത്. ഉത്തരകൊറിയയില്‍ ഇന്ന് ജീവിയ്ക്കുന്നവരില്‍ പത്ത് ശതമാനത്തോളം ആള്‍ക്കാരും ഈ വംശപരമ്പരയിലുള്ളവരാണ് എന്ന് കരുതപ്പെടുന്നു.
ഉത്തരകൊറിയന്‍ ജനതയും ഭരണകൂടവും വലിയ പ്രാധാന്യത്തോടെയാണ് ഭഗവാന്‍ ശ്രീരാമചന്ദ്രന്റെ വംശപരമ്പരയുമായി തങ്ങള്‍ക്കുള്ള ഈ ബന്ധത്തെക്കാണുന്നത്. അയോദ്ധ്യയില്‍ ഉത്തരകൊറിയന്‍ സര്‍ക്കാര്‍ സുരരത്‌ന മഹാരാജ്ഞിയുടെ ഒരു സ്മാരകം പണികഴിപ്പിട്ടുണ്ട്. ഹിയോ ഹ്വാങ് ഓക് എന്നാണ് ഈ രാജ്ഞിയെ കൊറിയയില്‍ അറിയപ്പെടുന്നത്.
ഭഗവാന്‍ ശ്രീരാമചന്ദ്രദേവന്‍ ധര്‍മ്മപുനഃസ്ഥാപനം നടത്തിയതിന്റെ സ്മരണയ്ക്കായി നാം ദീപാവലി ആഘോഷിയ്ക്കുമ്പോള്‍ അതിര്‍ത്തികള്‍ക്കപ്പുറം നിന്ന് ശ്രീരാമചന്ദ്രദേവന്റെ വംശപരമ്പരയിലേതെന്ന് അഭിമാനിയ്ക്കുന്ന ഒരു ജനതയുടെ പ്രതിനിധി തന്നെ മുഖ്യ അതിഥിയായെത്തിയത് ഈ വര്‍ഷത്തെ ആഘോഷങ്ങളുടെ മാറ്റുകൂട്ടി.
”നമ്മുടെ ഹൃദയങ്ങളില്‍ നിന്ന് ഭഗവാന്‍ ശ്രീരാമചന്ദ്രന്റെ ഓര്‍മ്മകളെ മായ്ച്ചുകളയാന്‍ നാമാരേയും അനുവദിയ്ക്കില്ല. അതാണ് നാം..നമ്മുടെ കേന്ദ്രഗവണ്മെന്റ് ഉറപ്പുതരുന്നത്. അയോദ്ധ്യയോട് അനീതികാട്ടാന്‍ ആര്‍ക്കുമാവില്ല എന്നുറപ്പുവരുത്താനാണ് നാമിവിടെ ഒത്തുചേര്‍ന്നിരിയ്ക്കുന്നത്. അയോദ്ധ്യാവാസികളുടെ ആഗ്രഹങ്ങള്‍ക്ക് നമ്മുടെ മനസ്സില്‍ പ്രഥമസ്ഥാനമാണുള്ളത്.” ആഘോഷപരിപാടികള്‍ ഉത്ഘാടനം ചെയ്തുകൊണ്ട് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞു.
Discussion about this post