കരീബിയന്‍ മണ്ണില്‍ ജസ്പ്രീത് ബുംറ കൊടുങ്കാറ്റാകുന്നു. ആദ്യ ടെസ്റ്റില്‍ ഇന്ത്യയുടെ വിജയത്തിലെ നിര്‍ണ്ണായക സാന്നിധ്യമായ ബുംറ രണ്ടാം ടെസ്റ്റിലും വിന്‍ഡീസിനെതിരെ നാശം വിതയ്ക്കുന്നു. ടെസ്റ്റ് ചരിത്രത്തില്‍ മൂന്നാം ഹാട്രിക്ക് നേടുന്ന ഇന്ത്യന്‍ താരമെന്ന നേട്ടവും സ്വന്തമാക്കി കുതിക്കുകയാണ് ബുംറ.
വിന്‍ഡീസ് ബാറ്റിംഗിന്‍റെ ഒന്‍പതാം ഓവറിലാണ് ബുംറയുടെ നേട്ടം. രണ്ടാം പന്തില്‍ ഡാരന്‍ ബ്രാവോയെ പുറത്താക്കിയ ബുംറ തൊട്ടടുത്ത പന്തുകളില്‍ ബ്രൂക്ക്സിനെയും ചെയ്സിനെയുമാണ് കൂടാരത്തിലെത്തിച്ചത്. ഹര്‍ഭജന്‍ സിംഗ്, ഇര്‍ഫാന്‍ പത്താന്‍ എന്നിവരാണ് ഇന്ത്യക്ക് വേണ്ടി നേരത്തെ ടെസ്റ്റില്‍ ഹാട്രിക്ക് വിക്കറ്റ് നേടിയിട്ടുള്ള താരങ്ങള്‍
രണ്ടാം ദിനം കളി അവസാനിപ്പിക്കുമ്പോൾ ഏഴ് വിക്കറ്റ് നഷ്ടത്തിൽ 87 റൺസ് എന്ന നിലയിൽ തകർച്ചയിലാണ് വെസ്റ്റിൻഡീസ്. നേരത്ത, ഹനുമ വിഹാരിയുടെ സെഞ്ച്വറി നേട്ടത്തോടെ (111) ഇന്ത്യ ഒന്നാം ഇന്നിങ്സിൽ 416 റൺസെടുത്തിരുന്നു.
Discussion about this post