തിരുവനന്തപുരം: സിനിമാ മേഖലയിലെ വനിതകള് നേരിടുന്ന പ്രശ്നങ്ങളെക്കുറിച്ച് പഠിക്കാന് നിയോഗിച്ച ജസ്റ്റിസ് ഹേമ കമ്മിഷന് മുഖ്യമന്ത്രിയുടെ ചേംബറിലെത്തി റിപ്പോര്ട്ട് സമര്പ്പിച്ചു. സിനിമയില് അവസരം ലഭിക്കാനായി നടിമാര് കിടപ്പറ പങ്കിടാന് നിര്ബന്ധിതരാകുന്നുവെന്ന് റിപ്പോര്ട്ടില് വെളിപ്പെടുത്തുന്നു. റിപ്പോര്ട്ടിനൊപ്പം ഓഡിയോ വീഡിയോ പതിപ്പുകളും സമര്പ്പിച്ചിട്ടുണ്ട്.
സിനിമാ മേഖലയിലെ പല നടീ നടന്മാരും അപ്രഖ്യാപിത വിലക്കിന് ഇരയാകുന്നു. ഇവര്ക്ക് വിലക്കേര്പ്പെടുത്തുന്നത് ലോബികളാണ്. ആര് അഭിനയിക്കണം ആര് അഭിനയിക്കരുതെന്ന് തീരുമാനിക്കുന്നത് ഇവരാണെന്നും, പ്രമുഖരായ പല നടീ നടന്മാരും ഇപ്പോഴും വിലക്ക് നേരിടുന്നുണ്ടെന്നും റിപ്പോര്ട്ടില് പറയുന്നു.
സിനിമ ലൊക്കേഷനുകളില് മദ്യം-മയക്കുമരുന്ന് ഉപയോഗം ഉണ്ടെന്നും റിപ്പോര്ട്ടില് പറയുന്നു. ചലച്ചിത്ര മേഖലയിലെ പരാതി പരിഗണിക്കാന് ട്രൈബ്യൂണല് വേണമെന്നും, ശക്തമായ നിയമത്തിലൂടെ മാത്രമേ ഈ മേഖലയിലെ പ്രശ്നങ്ങള്ക്ക് പരിഹാരം കാണാനാകുകയുള്ളുവെന്നും കമ്മിഷന് വ്യക്തമാക്കുന്നു. ജസ്റ്റിസ് ഹേമക്ക് പുറമെ നടി ശാരദ, കെ.ബി.വത്സല കുമാരി എന്നിവരാണ് കമ്മിഷനിലെ അംഗങ്ങള്.
രാജ്യത്തു തന്നെ ആദ്യമായാണ് ഇത്തരം ഒരു കമ്മിഷനെ സര്ക്കാര് നിയമിച്ചത്. കൊച്ചിയില് നടിക്ക് എതിരെ ആക്രമണം ഉണ്ടായ ശേഷമായിരുന്നു സംസ്ഥാന സര്ക്കാര് കമ്മിഷനെ വച്ചത്. മലയാള സിനിമയിലെ നടിമാരുടെ സംഘടനയായ വുമണ് ഇന് സിനിമ കളക്ടീവിന്റെ പ്രധാന ആവശ്യമായിരുന്നു ഇത്.
Discussion about this post