കാവിയണിഞ്ഞവര് തോക്ക് പിടിച്ച ഫോട്ടോ മാത്രം കാണിച്ച് ഡല്ഹി കലാപത്തെ ഏകപക്ഷീയമായി ചിത്രീകരിക്കാനുള്ള ജമാ അത്തെ ഇസ്ലാമി ചാനല് മീഡിയ വണിന്റെ ശ്രമത്തിനെതിരെ രൂക്ഷമായി പ്രതികരിച്ച് ബിജെപി നേതാവ് എസ് സുരേഷ്. ചാനല് കലാപത്തിന് ആഹ്വാനം ചെയ്യുന്നുവെന്നാരോപിച്ച് ബിജെപി പ്രതിനിധി ചാനല് ചര്ച്ചയില് നിന്ന് ഇറങ്ങി പോയി. പാക് ചാനലില് ഇരുന്ന് ചര്ച്ച ചെയ്യാനില്ലെന്ന് പറഞ്ഞാണ് സുരേഷ് ഇറങ്ങിപോയത്.
ഡല്ഹി കലാപവുമായി ബന്ധപ്പെട്ട ചര്ച്ചയ്ക്ക് മുന്നോടിയായി മീഡിയ വണ് കാണിച്ച രണ്ട് ഫോട്ടോകളാണ് വിവാദമായത്. ആര്എസ്എസിന്റെ പഴയ യൂണി ഫോമണിഞ്ഞ് ഒരു കുട്ടി തോക്ക് പിടിച്ചു നില്ക്കുന്ന ചിത്രവും, കാവി തലക്കെട്ടുള്ള ആള്ക്കാര് തോക്ക് പിടിച്ച് ഫോട്ടോക്ക് പോസ് ചെയ്യുന്ന ചിത്രവും ആയിരുന്നു മീഡിയ വണ് ചര്ച്ചയ്ക്ക് മുന്നോടിയായി കാണിച്ചത്. ഡല്ഹി കലാപം ഹിന്ദുക്കളാണ് നടത്തുന്നത് എന്ന് വളച്ചൊടിക്കാനുള്ള ശ്രമമാണ് മീഡിയ വണ് ഇതുവഴി നടത്തുന്നതെന്ന് എസ് സുരേഷ് ആരോപിച്ചു.
പോലിസുകാര്ക്കെതിരെ തോക്ക് ചൂണ്ടിയ എട്ട് റൗണ്ട് വെടിവച്ച ഷാരൂഖിന്റെയും, ആസിഡ് ബോബും, പെട്രോള് ബോബും തയ്യാറാക്കിയ താഹിര് ഹുസൈന്റെ ഫോട്ടോ എവിടെ എന്നും ബിജെപി നേതാവ് ചോദിച്ചു. ഹിന്ദുക്കളാണ് അക്രമികള് എന്ന് വരുത്തി തീര്ത്ത് മീഡിയ വണ് ചാനല് വീണ്ടും കലാപമുണ്ടാക്കാന് ശ്രമിക്കുകയാണ്. ആര്എസ്എസുകാര് ആയുധ പരിശീലനം നടത്തുന്നതിന് ആധികാരിമല്ലാത്ത ഈ ഫോട്ടോ എങ്ങനെ തെളിവാകും. ഇന്ത്യയിലെ ഹിന്ദുക്കളെ അപമാനിക്കുകയാണ് ചാനലെന്നും, തീവ്രവാദ സംഘടനകളുടെ ഫണ്ടുപയോഗിച്ചാണ് പ്രവര്ത്തിക്കുന്നതെന്നും സുരേഷ് ആരോപിച്ചു. ചാനല് ദൃശ്യങ്ങള് പിന്വലിച്ച് മാപ്പ് പറയണമെന്നും ഇത്തരം ചാനലില് ചര്ച്ചയ്ക്കില്ലെന്നും സുരേഷ് ഇറങ്ങി പോവുന്നതിന് മുമ്പ് പറഞ്ഞു.
തോക്കെടുത്ത് എട്ട് റൗണ്ട് വെടിവച്ച ഷാറൂഖ് ആരെന്ന് പോലിസിന് അറിയില്ലെന്നും, കേസെടുത്തിട്ടില്ലെന്നും മീഡിയ വണ് അവതാരകന് പറയുന്നുണ്ട്. എന്നാല് ഇത് നുണയാണ്. ഷാരൂഖും കുടുംബവും ഒളിവിലാണെന്നു പോലിസ് വ്യക്തമാക്കിയിരുന്നു.
https://www.facebook.com/advssuresh/videos/187064039246668/?__xts__[0]=68.ARC1nIwnBMVuS9Xg_UK_X1cMgG_NvhpJvatMpLIHliOd6RK8RtlxTZ8kGi_gRe8YHDqwyYP6QXshfXotB4BiSAvI3L_xUyNbA_2_eW3WwR9w2r2mm7LqBEhc-GiBC8C7d1i6k5loD_0s6dCCF2D82lH-Rx_IoaDQH5KWg_CbrclsemrQr0ftWamuv9wsvSIeCnmBnoB-1vxOioN0cTxbt4NRBZvEy53k1aJMnZlz9Gt2OUeix69peGBwvAMH23uNlAQHudCM_OzkR4kbUII3WmUdDRvKTK1lRN-5CPxvMMrX3O3uxH10EkyBuW02wfGP5_IlpoNFY1ZYcA2MaXVjyL7KEKfRQuFk96o&__tn__=-R
വലിയ പ്രതിഷേധമാണ് മീഡിയ വണ് ചാനലിന്റെ നടപടിക്കെതിരെ ഉയരുന്നത്. മുസ്ലിം അക്രമികളില് നിന്ന് രക്ഷപ്പെടാന് കേരളത്തില് നിന്നുള്ള മുസ്ലിങ്ങളാണെന്ന് മീഡിയ വണ് റിപ്പോര്ട്ടര് കരഞ്ഞ് പറയുന്ന രംഗം ചാനല് തന്നെ പുറത്ത് വിട്ടിരുന്നു. അക്രമം നടത്തുന്നവര് ഒരു വിഭാഗം മാത്രമാണെന്ന നുണ പ്രചരണം ഇതോടെ പൊളിയുകയും ചെയ്തു. ഇതിന് പിന്നാലെയാണ് ആര്എസ്എസ് ആയുധ പരിശീലനം നടത്തുന്നുവെന്ന വ്യാജപ്രചരണവും, അക്രമം നടത്തിയത് ഒരു വിഭാഗമാണ് എന്ന് വരുത്തി തീര്ക്കാനുള്ള ശ്രമം നടത്തിയതും എന്നാണ് ആരോപണം.
Discussion about this post