എറണാകുളം: പട്ടിമറ്റത്ത് അഴുകിയ നിലയില് കണ്ടെത്തിയ മൃതദേഹം കൊലപാതകമെന്ന് പൊലീസ്. പട്ടിമറ്റം പിപി റോഡിലെ ജെജെ പ്ലൈവുഡ് കമ്പനിയുടെ പുക കുഴലിനുള്ളില് നിന്നും കത്തിക്കരിഞ്ഞ നിലയില് മൃതദേഹം കണ്ടെത്തി.
മൃതദേഹം പുരുഷന്റേതാണെന്നും നാല് ആഴ്ച മുതല് എട്ട് ആഴ്ച്ച വരെ പഴക്കമുണ്ടെന്നും പോസ്റ്റ്മാര്ട്ടം റിപ്പോര്ട്ടില് പറയുന്നു. എന്നാല്, കൊലപാതകത്തെക്കുറിച്ച് കൂടുതല് വിവരങ്ങള് പുറത്തുവന്നിട്ടില്ല. അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
കൊലപാതകത്തെക്കുറിച്ച് പെരുമ്പാവൂര് ഡി.വൈ.എസ്.പി കെ ബിജുമോന്റെ നേതൃത്വത്തിലുള്ള അഞ്ചംഗസംഘം അന്വേഷിക്കും. മരിച്ചത് ഇതര സംസ്ഥാനക്കാരനാണെന്നാണ് പ്രാഥമിക നിഗമനം. ലോക്ക് ഡൗണ് തുടങ്ങിയ സമയത്താകാം കൊലപാതകം നടത്തിയിരിക്കുന്നത്.ആളൊഴിഞ്ഞ സ്ഥലത്തു ഒളിപ്പിച്ച മൃതദേഹം ലോക്ക്ഡൗണ് വിലക്കുകള് പിന്വലിക്കുന്ന സമയത്താണ് കാണുന്നതും. ആളെ കാണാനില്ലെന്ന രീതിയില് പ്രദേശവാസികളുടെ പരാതികള് ഇതുവരെ ലഭിച്ചിട്ടില്ലെന്ന് പൊലീസ് പറഞ്ഞു. അതുകൊണ്ട് തന്നെയാണ് ഇതര സംസ്ഥാനക്കാരിലേക്കു അന്വേഷണം നീളുന്നത്.
ലോക്ക് ഡൗണിനെ തുടര്ന്ന് രണ്ടു മാസത്തോളമായി അടിച്ചിട്ടിരിക്കുകയായിരുന്നു കമ്പനി ഈ അടുത്ത സമയത്താണ് തുറന്നത്. കൊലപാതകമാണെന്നാണ് പ്രാഥമിക നിഗമനം. പുരുഷന്റെ മൃതദേഹമാണ് കണ്ടെത്തിയിരിക്കുന്നതെന്ന് പോസ്റ്റ്മോര്ട്ടത്തില് വ്യക്തമായി. ഒരു മാസത്തിനും രണ്ടു മാസത്തിനുമിടയില് പഴക്കമുള്ള മൃതദേഹമാണ് കണ്ടെത്തിയത്. ലോക്ക് ഡൗണ് കാലത്ത് മൃതദേഹം ഇവിടെ കൊണ്ടു വന്നു തള്ളിയതാകാമെന്നാണ് പൊലീസിന്റെ നിഗമനം. കമ്പനിയുടെ പര്ധാന ഷെഡില് നിന്നും അല്പം മാറിയാണ് ചിമ്മിനിയും പുക കുഴലും സ്ഥാപിച്ചിരിക്കുന്നത്. കമ്പനിയുടെ ഉള്ളില് കയാറാതെ തന്നെ ഇവിടേക്ക് പ്രവേശിക്കാന് കഴിയും
Discussion about this post