തൊടുപുഴ: പൊലീസ് സ്റ്റേഷനില് കയറി വധഭീഷണി മുഴക്കി സിപിഎം നേതാക്കള്. ഇടുക്കി വണ്ടിപ്പെരിയാര് എസ്ഐ ഉള്പ്പെടെ നാല് പൊലീസുകാര്ക്കു നേരെയാണ് സിവിപിഎം നേതാക്കള് അതിക്രമം നടത്തിയത്. വാഹന പരിശോധനയ്ക്കിടെ ഡിവൈഎഫ്ഐ നേതാവിന്റെ ബൈക്ക് പിടികൂടിയതാണ് പ്രകോപനത്തിന് കാരണം.ജില്ലാ സെക്രട്ടറിയേറ്റ് അംഗം ആര് തിലകന്, പീരുമേ!ട് ഏരിയാ സെക്രട്ടറി വിജയാനന്ദ് എന്നിവരുടെ നേതൃത്വത്തിലുള്ള സംഘമാണ് ഭീഷണി മുഴക്കിയതെന്നാണ് ആരോപണം.
പൊലീസ് സ്റ്റേഷനിലെത്തിയ സംഘം വളരെ മോശമായ പദ പ്രയോഗങ്ങള് നടത്തിയായതിന്റെ ദൃശ്യങ്ങള് പുറത്ത് വന്നു. ഇന്നലെ ഉച്ചയോടെയാണ് സംഭവമുണ്ടായത്. കോവിഡ് നിയന്ത്രണങ്ങള് ലംഘിച്ചതിന്റെ പേരില് 20ഓളം ബൈക്കുകള് പൊലീസ് കസ്റ്റഡിയിലെടുത്ത് സ്റ്റേഷനിലേക്ക് എത്തിച്ചിരുന്നു. ഇതിന് പിന്നാലെയാണ് ഒരു സംഘം സിപിഎം പ്രവര്ത്തകര് സ്റ്റേഷനിലെത്തിയത്.
ഡിവൈഎഫ്ഐ പ്രവര്ത്തകന്റെ ബൈക്ക് പിടികൂടി 3000 രൂപ പിഴയൊടുക്കണമെന്ന് പൊലീസ് ആവശ്യപ്പെട്ടു. പക്ഷേ ഇത് അംഗീകരിക്കാന് സിപിഎം പ്രവര്ത്തകര് തയ്യാറായില്ല. പിഴയീടാക്കാതെ തന്നെ ബൈക്ക് വിട്ടുനല്കണമെന്നും കേസെടുക്കരുതെന്നും ഇവര് ആക്രോശിച്ചു. പിഴയടക്കാതെ ബൈക്ക് വിട്ടു തരില്ലെന്ന് പോലിസ് അറിയിച്ചു. ഇതോടെയാണ് നേതാക്കള് വധ ഭീഷണി മുഴക്കി. മര്യാദയ്ക്ക് ജോലി ചെയ്തില്ലെങ്കില് വീട്ടില്ക്കയറി അതിന് തക്കതായ മറുപടി നല്കുമെന്നും നേതാക്കള് ഭീഷണിപ്പെടുത്തി.
അതിക്രമത്തിനിരയായ പൊലീസുകാര് നേതാക്കള്ക്കെതിരെ പരാതി നല്കിയിട്ടുണ്ട്. എന്നാല് നിസാര വകുപ്പുകള് മാത്രം ചുമത്തിയാണ് കേസെടുത്തതെന്നാണ് ഉയരുന്ന ആക്ഷേപം.
Discussion about this post