കോഴിക്കോട് :മുന് കേന്ദ്രമന്ത്രിയും എംപിയും മാതൃഭൂമി എംഡിയുമായ എം പി വീരേന്ദ്രകുമാര് അന്തരിച്ചു.83 വയസ്സായിരുന്നു. കോഴിക്കോട് സ്വകാര്യ ആശുപത്രിയിലായിരുന്നു അന്ത്യം.ഹൃദയസംബന്ധമായ അസുഖങ്ങളെ തുടര്ന്ന് ചികിത്സയിലായിരുന്നു.
നിലവില് കേരളത്തില് നിന്നുള്ള രാജ്യസഭാഗം ആണ്. ലോക് താന്ത്രിക് ജനതാദള് പാര്ട്ടിയുടെ സ്ഥാപക നേതാവാണ്.ജനതാദള് (എസ്), സോഷ്യലിസ്റ്റ് ജനത (ഡെമോക്രാറ്റിക് ) ജനതാ ദള് (യുണൈറ്റഡ്) എന്നിവയുടെ മുന് സംസ്ഥാന കമ്മിറ്റി പ്രസിഡന്റായിരുന്നു. മാതൃഭൂമി ദിനപത്രത്തിന്റെ ചെയര്മാനും മാനേജിങ് എഡിറ്ററുമാണ്.
സോഷ്യലിസ്റ്റ് പാർട്ടി നേതാവും മദ്രാസ് നിയമസഭാംഗവുമായിരുന്ന എം.കെ. പത്മപ്രഭാഗൗഡറുടേയും മരുദേവി അവ്വയുടേയും മകനായി 1936 ജൂലൈ 22ന് കല്പറ്റയിൽ ജനനം. മദിരാശി വിവേകാനന്ദ കോളജിൽ നിന്ന് തത്ത്വശാസ്ത്രത്തിൽ ബിരുദാനന്തര ബിരുദവും അമേരിക്കയിലെ സിൻസിനാറ്റി സർവകലാശാലയിൽ നിന്ന് എം.ബി.എ. ബിരുദവും കരസ്ഥമാക്കി. 1987 കേരള നിയമസഭാംഗവും വനംവകുപ്പ് മന്ത്രിയുമായി. 48 മണിക്കൂറിനുള്ളിൽ തന്നെ മന്ത്രിസ്ഥാനം രാജിവെച്ചു. കേന്ദ്രമന്ത്രിസഭയിൽ ധനകാര്യ സഹമന്ത്രിയും പിന്നീട് തൊഴിൽ വകുപ്പിന്റെ സ്വതന്ത്രചുമതലയുള്ള സഹമന്ത്രിയുമായി സേവനമനുഷ്ഠിച്ചിട്ടുണ്ട്.
ഹൈമവതഭൂവില്,സമന്വയത്തിന്റെ വസന്തം, ബുദ്ധന്റെ ചിരി, ഡാന്യൂബ് സാക്ഷി, ഇരുള് പരക്കുന്ന കാലം,അധിനിവേശത്തിന്റെ അടിയൊഴുക്കുകള്,ഗാട്ടും കാണാച്ചരടുകളും, രാമന്റെ ദുഃഖം തുടങ്ങി നിരവധി പുസ്തകങ്ങള് രചിച്ചിട്ടുണ്ട്. സി.അച്യുത മേനോന് സാഹിത്യപുരസ്കാരം,ഓടക്കുഴല് അവാര്ഡ്,സ്വദേശാഭിമാനി പുരസ്കാരം, മൂര്ത്തിദേവി പുരസ്കാരം തുടങ്ങി നിരവധി പുരസ്കാരങ്ങള് നേടിയിട്ടുണ്ട്.
Discussion about this post