കൊച്ചി; സ്വര്ണ്ണക്കടത്ത് കേസ് ഏറ്റെടുത്തതായി എന്ഐഎ കോടതിയെ അറിയിച്ചു. കേസില് സ്വപ്ന സുരേഷിന്റെ ജാമ്യാപേക്ഷ ഹൈക്കോടതി അല്പസമയത്തിനകം പരിഗണിക്കും. ജസ്റ്റിസ് അശോക് മേനോന്റെ ബെഞ്ചാണ് കേസ് പരിഗണിക്കുക.
കേന്ദ്ര ഏജന്സികള്ക്കായി കെ. രാംകുമാര്, അസിസ്റ്റന്റ് സോളിസിറ്റര് ജനറല് പി. വിജയകുമാര് എന്നിവര് കോടതിയില് ഹാജരായി.രാജ്യസുരക്ഷയുമായി ബന്ധപ്പെട്ട വിഷയമാണെന്നും സ്വപ്നയെ ചോദ്യം ചെയ്യാതെ കേസ് മുന്നോട്ട് പോകില്ലെന്നും വാദമുയര്ത്താനാണ് കസ്റ്റംസിന്റെ തീരുമാനം.കേസില് താന് നിരപരാധിയാണെന്നും കസ്റ്റംസിനോട് ഒന്നും വെളിപ്പെടുത്താനില്ലെന്നുമാണ് സ്വപ്നാ സുരേഷ് ജാമ്യാപേക്ഷയില് വ്യക്തമാക്കിയിരിക്കുന്നത്
സ്വര്ണക്കടത്ത് കേസ് എന്ഐഎക്ക് വിട്ടുകൊണ്ട് കേന്ദ്രസര്ക്കാര് ഇന്നലെ ആണ് ഉത്തരവിറക്കിയത്. ദേശസുരക്ഷയെ ഗുരുതരമായി ബാധിച്ചേക്കാവുന്ന ഒരു കേസ് എന്ന നിലയിലാണ് കേന്ദ്ര ആഭ്യന്തര മന്ത്രാലയം ഇതിനെ കാണുന്നത്. അതിന്റെ പശ്ചാത്തലത്തിലാണ് ഇപ്പോള് കേസ് ദേശീയ അന്വേഷണ ഏജന്സിക്ക് കൈമാറിയിരിക്കുന്നത്.
Discussion about this post