ന്യൂഡൽഹി : ഇന്ത്യയിൽ സമൂഹവ്യാപനം രൂക്ഷമായെന്ന പേരിൽ സാമൂഹ്യ മാധ്യമങ്ങളിൽ പ്രചരിക്കുന്ന റിപ്പോർട്ടുകൾ വ്യാജമാണെന്ന് ഇന്ത്യൻ മെഡിക്കൽ അസോസിയേഷൻ.പ്രചരിക്കുന്ന വിവരങ്ങൾ ഇന്ത്യൻ മെഡിക്കൽ അസോസിയേഷൻ ഔദ്യോഗികമായി പുറത്തു വിട്ട റിപ്പോർട്ടുകൾ അല്ലെന്നും ഐ.എം.എ വ്യക്തമാക്കി. ജൂലൈ 18ന് ഒരു ദേശീയ വാർത്താ ഏജൻസിയോട് ഐ.എം.എയുടെ ചെയർമാനായ ഡോ : വി.കെ മോൻഗാ സാമൂഹ്യവ്യാപനം ഇന്ത്യയിൽ വർധിക്കുകയാണെന്ന പ്രസ്താവന നടത്തിയിരുന്നു.എന്നാൽ, അത് ഇന്ത്യൻ മെഡിക്കൽ അസോസിയേഷന്റെ ഔദ്യോഗിക റിപ്പോർട്ട് ആയി കണക്കാക്കാനാവില്ലെന്നാണ് ഐഎംഎ പറഞ്ഞത്.
സമൂഹത്തിൽ പ്രചരിക്കുന്ന ഉറവിടമില്ലാത്ത വാർത്തകളെല്ലാം ഓരോരുത്തരുടെയും വ്യക്തിപരമായ അഭിപ്രായങ്ങളായി മാത്രമേ കണക്കാക്കാൻ സാധിക്കൂവെന്നും ഐഎംഎ കൂട്ടിച്ചേർത്തു.ആൾക്കൂട്ടത്തിൽ പ്രചരിക്കുന്ന വിവരങ്ങൾക്കൊരിക്കലും ആധികാരികമായ വാർത്തകൾക്ക് പകരമാവാൻ കഴിയില്ലെന്നും ഐഎംഎ ചൂണ്ടിക്കാട്ടി.
Discussion about this post