പത്തനംതിട്ട: ആറന്മുളയില് കോവിഡ് രോഗിയായ യുവതിയെ പീഡിപ്പിച്ച സംഭവത്തെ ന്യായീകരിക്കാന് സൈബർ പ്രചരണവുമായി സിപിഎം പ്രവര്ത്തകര്. കോവിഡ് രോഗബാധിതയായ യുവതിയെ ആംബുലന്സ് ഡ്രൈവര് പീഡിപ്പിച്ചതായി വരുന്ന വാര്ത്തകള് കെട്ടുകഥകളാണെന്നാണ് സിപിഎം സമൂഹമാധ്യമങ്ങളില് പ്രചരിപ്പിക്കുന്നത്. സിപിഎം പ്രവര്ത്തകനും കൊണ്ടോട്ടി സ്വദേശിയുമായ അബ്ദുള് മജീദാണ് ഇത്തരത്തിലുള്ള പ്രചരണം സമൂഹമാധ്യമങ്ങളിലൂടെ നടത്തിയിരിക്കുന്നത്.
ഇത്തരത്തിലുള്ള പ്രചരണത്തിനെതിരെ സമൂഹമാധ്യമങ്ങളില് വന് പ്രതിഷേധമാണ് ഉയരുന്നത്. ഒപ്പം ഇയാള്ക്കെതിരെ പോലീസ് കേസെടുക്കണമെന്നും ആവശ്യം ഉയര്ന്നിട്ടുണ്ട്.
രോഗബാധിതയായ യുവതിയെ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററിലേക്ക് കൊണ്ടുപോകുന്നതിനിടെ ഇന്നു പുലര്ച്ചെ ആറന്മുളയില് വെച്ചാണ് യുവതി പീഡനത്തിന് ഇരയായത്. ആളൊഴിഞ്ഞ സ്ഥലത്തെത്തിയപ്പോള് ആംബുലന്സ് നിര്ത്തി ഡ്രൈവര് യുവതിയെ പീഡനത്തിനിരയാക്കുകയായിരുന്നു. തുടര്ന്ന് ആംബുലന്സ് ഡ്രൈവറായ കായംകുളം കീരിക്കാട് സ്വദേശി നൗഫലിനെ(29) പോലീസ് അറസ്റ്റ് ചെയ്തു. വധശ്രമക്കേസിലടക്കം നൗഫല് പ്രതിയാണ്.
Discussion about this post