കോഴിക്കോട് : നഗരത്തിൽ കട കുത്തിത്തുറന്ന് മോഷണം നടത്തിയ കേസിലെ പ്രതിയെ മണിക്കൂറുകൾക്കുള്ളിൽ പോലീസ് പിടികൂടി. കുറ്റ്യാടി സ്വദേശി അൽത്താഫിനെയാണ് കോഴിക്കോട് ടൗൺ പൊലീസ് പിടികൂടിയത്. ഇയാൾക്കൊപ്പം മറ്റൊരു മോഷണത്തിൽ പങ്കാളിയായ അരക്കിണർ സ്വദേശി ഷാനിലിനെയും പോലീസ് അറസ്റ്റ് ചെയ്തിട്ടുണ്ട്.
രണ്ടാം ഗേറ്റിന് സമീപമുള്ളൊരു കട കുത്തിത്തുറന്ന് പണവും ലോട്ടറി ടിക്കറ്റുകളും മോഷ്ടിച്ച കേസിലാണ് അൽത്താഫ് അറസ്റ്റിലായത്. തന്റെ മുഖം സിസിടിവി ക്യാമറയിൽ പതിയാതിരിക്കാൻ കൂളിംഗ് ഗ്ലാസ് ധരിച്ചായിരുന്നു മോഷണം.എന്നാൽ, അൽത്താഫ് നടക്കുന്ന രീതിയിലെ ചില പ്രത്യേകതകളാണ് അന്വേഷണ സംഘത്തെ അൽത്താഫാണ് കുറ്റവാളിയെന്ന നിഗമനത്തിലേക്ക് എത്തിച്ചത് ഇതേ തുടർന്ന് അൽത്താഫിനെ അന്വേഷണം നടത്തവേ, അന്വേഷണ സംഘം ഇരുവരെയും ഒരുമിച്ച് പിടികൂടുകയായിരുന്നു. ഇവരുടെ കയ്യിൽ നിന്ന് രണ്ട് എയർ പിസ്റ്റളും പോലീസ് കണ്ടെടുത്തിട്ടുണ്ട്. കോട്ടപ്പറമ്പ് ആശുപത്രിക്കു സമീപത്തെ കടയിൽ നിന്ന് ഇവർഎയർ പിസ്റ്റളുകൾ മോഷ്ടിച്ചതിന് കസബ പോലീസ് വേറെ കേസ് എടുത്തിട്ടുണ്ടെന്ന് അധികൃതർ വ്യക്തമാക്കി.
