ദുബായ്: ഐ.പി.എല്ലില് റോയല് ചലഞ്ചേഴ്സ് ബാംഗ്ലൂരിനെതിരേ സണ്റൈസേഴ്സ് ഹൈദരാബാദിന് 164 റണ്സ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ബാംഗ്ലൂര് 20 ഓവറില് അഞ്ചു വിക്കറ്റ് നഷ്ടത്തില് 163 റണ്സെടുത്തു. അര്ധ സെഞ്ചുറി നേടിയ മലയാളിയായ ദേവദത്ത് പടിക്കലും എ ബി ഡിവില്ലിയേഴ്സുമാണ് ബാംഗ്ലൂരിനെ ഭേദപ്പെട്ട സ്കോറിലെത്തിച്ചത്.
ടോസ് നേടിയ ഹൈദരാബാദ് ടീം ക്യാപ്റ്റന് ഡേവിഡ് വാര്ണര് ബാംഗ്ലൂരിനെ ബാറ്റിംഗിനയ്ക്കുകയായിരുന്നു. ആരോണ് ഫിഞ്ചിനൊപ്പം ബാംഗ്ലൂരിന് മികച്ച തുടക്കം സമ്മാനിച്ച ദേവദത്ത് 42 പന്തില് നിന്ന് എട്ടു ഫോറുകള് സഹിതം 56 റണ്സെടുത്താണ് മടങ്ങിയത്.
ഓപ്പണിംഗ് വിക്കറ്റില് ആരോണ് ഫിഞ്ച് – ദേവദത്ത് സഖ്യം 66 പന്തില് നിന്ന് 90 റണ്സ് ആക്കി ഉയർത്തി. പിന്നീട് 30 പന്തില് 51 റണ്സെടുത്ത ഡിവില്ലിയേഴ്സാണ് സ്കോര് 150 കടത്തിയത്. ക്യാപ്റ്റന് കോഹ്ലി 14 റണ്സെടുത്തു.
Discussion about this post