കോഴിക്കോട്: അധ്യാപികയുടെ മൃതദേഹം കാറിനുള്ളിൽ സീറ്റ് ബെൽറ്റ് ഇട്ട നിലയിൽ കണ്ടെത്തി. സ്വകാര്യ സ്കൂള് അധ്യാപികയായ ദീപ്തിയാണ് മരിച്ചത്. 41 വയസ്സായിരുന്നു.
കാരശേരിയിലെ ആളൊഴിഞ്ഞ റബ്ബര് തോട്ടത്തിനു സമീപത്താണ് മൃതദേഹം കണ്ടെത്തിയത്. ഡ്രൈവിങ് സീറ്റില് സീറ്റ് ബെല്റ്റിട്ട് ഇരിക്കുന്ന നിലയിലായിരുന്നു മൃതദേഹം. കാറിലെ സീറ്റുകള് കത്തിയ നിലയിലാണ്. വാഹനത്തിനുള്ളില് നിന്ന് മണ്ണെണ്ണയും കണ്ടെടുത്തു.
കഴിഞ്ഞ ദിവസം അധ്യാപിക കാര് ഓടിച്ചുപോകുന്നത് കണ്ടവരുണ്ട്. ശരീരത്തില് മല്പ്പിടുത്തത്തിന്റെ പാടുകളൊന്നും കാണാനില്ലെന്ന് പൊലിസ് അറിയിച്ചു. പോസ്റ്റ്മോര്ട്ടത്തിനായി മൃതദേഹം കോഴിക്കോട് മെഡിക്കല് കോളജിലേക്കു മാറ്റി. ഭര്ത്താവ് കോഴിക്കോട്ടെ സ്വകാര്യ ആശുപത്രിയിലെ ജീവനക്കാരനാണ്. ആറും ഏഴും പന്ത്രണ്ടും വയസുള്ള മൂന്ന് കുട്ടികളുണ്ട്.
Discussion about this post