ന്യൂഡൽഹി: സൗജന്യ ഓൺലൈൻ എൻസൈക്ലോപീഡിയയായ വിക്കിപീഡിയയ്ക്ക് മുന്നറിയിപ്പുമായി കേന്ദ്രസർക്കാർ. ജമ്മു കശ്മീരിന്റെ തെറ്റായ ഭൂപടം പ്രദർശിപ്പിച്ചതിനെ തുടർന്നാണ് കേന്ദ്ര സർക്കാരിന്റെ ഈ നീക്കം.
ഇൻഫർമേഷൻ ടെക്നോളജി ആക്ട് 2000-ത്തിലെ 69എ വകുപ്പുപ്രകാരം എത്രയും പെട്ടെന്ന് ഇത് നീക്കം ചെയ്യാൻ ഐടി മന്ത്രാലയം ഉത്തരവിട്ടിട്ടുണ്ട്.ഭൂപട ശ്രദ്ധയിൽപെട്ട ഒരു ട്വിറ്റർ ഉപഭോക്താവ്, നടപടിയെടുക്കാൻ ആവശ്യപ്പെട്ടു കൊണ്ട് പോസ്റ്റ് ഫ്ലാഗ് ചെയ്തിരുന്നു. ഇക്കാര്യം ശ്രദ്ധയിൽപ്പെട്ടപ്പോഴാണ് കേന്ദ്ര മന്ത്രാലയത്തിന്റെ ഈ ത്വരിതഗതിയിലുള്ള നടപടി. നവംബർ 27നാണ് കേന്ദ്രസർക്കാർ ഈ പേജ് നീക്കം ചെയ്യാൻ വിക്കിപീഡിയയോട് നിർദ്ദേശിച്ചത്.
രാജ്യത്തിന്റെ അഖണ്ഡതയുടേയും പരമാധികാരത്തിന്റെയും ലംഘനമാണെന്ന് കാണിച്ചു കൊണ്ടായിരുന്നു കേന്ദ്ര സർക്കാർ ഉത്തരവ് പുറപ്പെടുവിച്ചത്. അനുസരിക്കാൻ തയ്യാറായില്ലെങ്കിൽ രാജ്യത്തു നിന്ന് തന്നെ വിക്കിപീഡിയ വെബ്സൈറ്റ് നിരോധിക്കുമെന്ന് കേന്ദ്രസർക്കാർ മുന്നറിയിപ്പ് നൽകിയിട്ടുണ്ട്.
Discussion about this post