മുർഷിദാബാദിൽ പശ്ചിമ ബംഗാൾ മന്ത്രി ജാക്കിർ ഹുസൈന് ബോംബ് ആക്രമണത്തിൽ പരിക്കേറ്റു. മുർഷിദാബാദിൽ ബുധനാഴ്ചയാണ് ക്രൂഡ് ബോംബ് എറിഞ്ഞതിനെ തുടർന്ന് ബംഗാൾ മന്ത്രി ജാക്കിർ ഹുസൈനും മരുമകനും പരിക്കേറ്റത്. എന്നാൽ അദ്ദേഹത്തിന് ആരോഗ്യനില തൃപ്തികരമാണെന്നാണ് ഡോക്ടർസ് പറഞ്ഞത്. “അദ്ദേഹത്തിന്റെ [ജാക്കിർ ഹുസൈന്റെ] അവസ്ഥ ഇപ്പോൾ തൃപ്തികരമാണ്,” മുർഷിദാബാദ് മെഡിക്കൽ കോളേജിലെയും ആശുപത്രിയിലെയും എം‌എസ്‌വിപി ഡോ. കൂടുതൽ ചികിത്സയ്ക്കായി മന്ത്രിയെ കൊൽക്കത്തയിലേക്ക് കൊണ്ടുപോകുകയാണെന്ന് ഡോക്ടർമാർ പറഞ്ഞു.
പശ്ചിമ ബംഗാളിലെ മുർഷിദാബാദ് ജില്ലയിലെ ജംഗിപൂർ നഗരത്തിലെ നിംതിറ്റ റെയിൽവേ സ്റ്റേഷനിലേക്കുള്ള യാത്രയ്ക്കിടെ അജ്ഞാതർ തൊഴിൽ സഹമന്ത്രി ജാക്കിർ ഹുസൈന് നേരെ ക്രൂഡ് ബോംബ് എറിഞ്ഞതായാണ് റിപോർട്ടുകൾ. സുതി പോലീസ് സ്റ്റേഷൻ പരിസരത്താണ് സംഭവം.എം‌എൽ‌എയെയും പരിക്കേറ്റ മറ്റ് രണ്ട് പേരെയും ജംഗിപൂർ സബ് ഡിവിഷണൽ ആശുപത്രിയിലേക്ക് കൊണ്ടുപോയതായി വാർത്താ ഏജൻസി പി‌ടി‌ഐ അറിയിച്ചു.
സുവേന്ദു അധികാരിയുടെ വാഹനത്തിന് നേരെ തൃണമൂൽ ആക്രമണം; ബിജെപി നേതാവിന് പരിക്ക്: അമിത്ഷാ ബംഗാളിലെത്തും
അതേസമയം സുവേന്ദു അധികാരിയുടെ വാഹനത്തിനു നേരെ തൃണമൂൽ പ്രവർത്തകർ ആക്രമണം നടത്തിയിരുന്നു. കൂടാതെ ഇന്ന് അമിത്ഷാ ബംഗാൾ സന്ദർശിക്കാനിരിക്കെയാണ് അനിഷ്ട സംഭവങ്ങൾ അരങ്ങേറിയത്.
Discussion about this post