ഡൽഹി: 2020 സെപ്റ്റംബറിൽ എറണാകുളം, പശ്ചിമ ബംഗാൾ എന്നിവിടങ്ങളിൽ നിന്നും പിടിയിലായ അൽഖ്വയിദ ഭീകരർക്കെതിരെ യുഎപിഎ ചുമത്തി കുറ്റപത്രം സമർപ്പിച്ച് എൻ ഐ എ. പതിനൊന്ന് പ്രതികൾക്കെതിരെയാണ് എൻ ഐ എ കുറ്റപത്രം സമർപ്പിച്ചിരിക്കുന്നത്.
കേരളത്തിൽ നിർമാണ ജോലികൾക്കെന്ന പേരിലെത്തി പല സ്ഥലങ്ങളിലായി താമസിച്ചു വരികയായിരുന്നു എറണാകുളത്ത് നിന്നും പിടിയിലായ അൽഖ്വയിദ ഭീകരർ.കേരളത്തിലും ബംഗാളിലുമായി 12 സ്ഥലങ്ങളിൽ പുലർച്ചെ ഒരേ സമയത്തയിരുന്നു റെയ്ഡ്.
എറണാകുളം ജില്ലയിലെ പാതാളം, പെരുമ്പാവൂർ, ആലുവ എന്നിവിടങ്ങളിൽ നിന്നാണ് പ്രതികളെ പിടികൂടിയത്. ഇവർ ഉൾപ്പെടുന്ന ഭീകര സംഘം ഡൽഹി ഉൾപ്പെടെയുള്ള രാജ്യത്തെ വൻ നഗരങ്ങളിൽ സ്ഫോടനങ്ങൾക്കും തീവ്രവാദി ആക്രമണങ്ങൾക്കും പദ്ധതിയിട്ടിരുന്നതായി എൻ ഐ എ കണ്ടെത്തിയിരുന്നു.
Discussion about this post