പട്ടികജാതിക്കാരിയെ ബലാത്സംഗം ചെയ്തെന്ന കേസിൽ ജയിലിൽ; നിരപരാധിയെന്ന് ബോദ്ധ്യപ്പെട്ട് കോടതി വിട്ടയച്ചപ്പോഴേക്കും ജയിലിൽ നഷ്ടമായത് ഇരുപത് വർഷങ്ങൾ; അനീതിയുടെ ഇരയായി വിഷ്ണു തിവാരി

ആഗ്ര: പട്ടികജാതിക്കാരിയെ ബലാത്സംഗം ചെയ്തെന്ന കേസിൽ ഇരുപത് വർഷമായി ജയിലിൽ കഴിഞ്ഞയാളെ ഒടുവിൽ നിരപരാധിയെന്ന് കണ്ടെത്തി വിട്ടയച്ചു. ഉത്തർ പ്രദേശ് സ്വദേശി വിഷ്ണു തിവാരിയാണ് അനീതിയുടെ പ്രതീകമായി ജീവിതം നഷ്ടമായ ഹതഭാഗ്യൻ. ജയിലിൽ പോകുമ്പോൾ ഇരുപത്തിമൂന്ന് വയസ്സുണ്ടായിരുന്ന വിഷ്ണു നാൽപ്പത്തിമൂന്നാം വയസ്സിലാണ് മോചനം നേടുന്നത്. അപ്പോഴേക്കും അയാൾക്ക് നഷ്ടമായത് ആയുസ്സിലെ നല്ല കാലവും കുടുംബവും സൽപ്പേരുമാണ്.

2000 സെ​പ്റ്റം​ബ​റി​ലാ​ണ് പീ​ഡ​ന​ക്കേ​സി​ല്‍ വി​ഷ്ണു അ​റ​സ്റ്റി​ലാ​യ​ത്. ​ലളിത്പുർ ജി​ല്ല​യി​ലെ ഒ​രു സ്ത്രീ​യാ​ണ് പീ​ഡ​ന​ആ​രോ​പ​ണ​വു​മാ​യി വി​ഷ്ണു​വി​നെ​തി​രെ പ​രാ​തി ന​ല്‍​കി​യ​ത്. തു​ട​ര്‍​ന്ന് പോ​ലീ​സ് വി​ഷ്ണു​വി​നെ അ​റ​സ്റ്റ് ചെ​യ്തു. പട്ടികജാതിക്കാർക്കെതിരായ അതിക്രമം തടയൽ നിയമവും ബലാത്സംഗത്തിനൊപ്പം ചേർത്തതോടെ വിഷ്ണു തടവിലായി.

വിഷ്ണു തിവാരി നി​ര​പ​രാ​ധി​യാ​ണെ​ന്ന് കോ​ട​തി വി​ധി​ച്ച​ത് 2021 ജനുവരിയിലാണ്. ജ​യി​ല്‍ ന​ട​പ​ടി ക്ര​മ​ങ്ങ​ളെ​ല്ലാം പൂ​ര്‍​ത്തി​യാ​യി ക​ഴി​ഞ്ഞ ദി​വ​സമാണ് ഇയാൾ ജയിൽ മോചിതനായത്. ജ​യി​ലി​ന് പു​റ​ത്ത് വി​ഷ്ണു​വി​നെ കാ​ത്ത് ബ​ന്ധു​ക്ക​ളോ സു​ഹൃ​ത്തു​ക്ക​ളോ ആരും തന്നെ ഉണ്ടായിരുന്നില്ല.

‘20 വ​ര്‍​ഷ​മാ​യി ജ​യി​ലി​ലാ​ണ്. എ​ന്‍റെ ശ​രീ​രം ത​ക​ര്‍​ന്നി​രി​ക്കു​ന്നു, അ​തു​പോ​ലെ ത​ന്നെ എ​ന്‍റെ കു​ടും​ബ​വും.  എ​നി​ക്ക് ഒ​രു അ​നു​ജ​ന്‍ മാ​ത്ര​മേ​യു​ള്ളൂ. ഞാ​ന്‍ വി​വാ​ഹി​ത​ന​ല്ല. എ​ന്‍റെ കൈ​ക​ള്‍ നോ​ക്കൂ. ജ​യി​ല്‍ അ​ടു​ക്ക​ള​യി​ല്‍ ജോ​ലി ചെ​യ്യു​ന്ന​തി​ല്‍ നി​ന്നു​ള്ള പൊ​ള്ള​ലു​ക​ള്‍ എ​ന്‍റെ കൈ​യി​ലു​ണ്ട്, ഒപ്പം ജയിൽ അധികൃതർ നൽകിയ 600 രൂപയും. ഞാൻ ഇനി എന്താണ് പ്രതീക്ഷിക്കേണ്ടത്?‘ വിഷ്ണു തിവാരി ചോദിക്കുന്നു.