ഡൽഹി: ബംഗ്ലാദേശ് സ്വാതന്ത്ര്യത്തിന്റെ അമ്പതാം വാർഷികത്തിൽ പ്രധാനമന്ത്രി നരേന്ദ്ര മോദി വിശിഷ്ടാതിഥിയാകും. മാർച്ച് 26നാണ് പ്രധാനമന്ത്രി ബംഗ്ലാദേശ് സന്ദർശിക്കുക. പതിനഞ്ച് വർഷത്തിനിടയിലെ പ്രധാനമന്ത്രിയുടെ ആദ്യ വിദേശ സന്ദർശനമായിരിക്കും ഇത്. ബംഗ്ലാദേശുമായുള്ള സഹകരണം മെച്ചപ്പെടുത്തുന്നതിനായിരിക്കും സന്ദർശനത്തിൽ പ്രധാന്യം നൽകുക.
1971ൽ കിഴക്കൻ പാകിസ്ഥാനിൽ നിന്നും സ്വാതന്ത്ര്യം നേടാൻ ബംഗ്ലാദേശിനെ സഹായിച്ചത് ഇന്ത്യയായിരുന്നു. ഇതിന്റെ സ്മരണാർത്ഥമാണ് ഇന്ത്യൻ പ്രധാനമന്ത്രിയെ ക്ഷണിച്ചിരിക്കുന്നത്.
പ്രധാനമന്ത്രിയുടെ സന്ദർശനവുമായി ബന്ധപ്പെട്ട മുന്നൊരുക്കങ്ങൾ വിലയിരുത്താൻ വിദേശകാര്യ വകുപ്പ് മന്ത്രി എസ് ജയ്ശങ്കർ ബംഗ്ലാദേശ് സന്ദർശിച്ചിരുന്നു. പ്രധാനമന്ത്രിയുടെ സന്ദർശനം ചരിത്രപരമായിരിക്കുമെന്ന് അദ്ദേഹം അറിയിച്ചു.
2019 നവംബറിന് ശേഷമുള്ള പ്രധാനമന്ത്രിയുടെ ആദ്യ വിദേശ സന്ദർശനമാണ് ഇത്. കൊവിഡ് വ്യാപനത്തിന്റെ പശ്ചാത്തലത്തിൽ പ്രധാനമന്ത്രി വിദേശയാത്രകൾ നിർത്തി വെച്ചിരിക്കുകയായിരുന്നു.
Discussion about this post