കൊച്ചി: കൊച്ചിയിലെ ആഡംബര ഹോട്ടലുകളിലെ നിശാപാർട്ടികളിൽ കസ്റ്റംസും എക്സൈസും സംയുക്തമായി നടത്തിയ റെയ്ഡിൽ ഡിജെയടക്കം നാലു പേർ അറസ്റ്റിലായി. എംഡിഎംഎയും കഞ്ചാവും ഉൾപ്പെടെയുള്ള ലഹരിവസ്തുക്കൾ ഇവരിൽ നിന്നും പിടികൂടി.
നിശാപാർട്ടികളിൽ വ്യാപകമായി ലഹരിമരുന്ന് ഉപയോഗിക്കുന്നുവെന്ന വിവരത്തിന്റെ അടിസ്ഥാനത്തിലായിരുന്നു നടപടി. ശനിയാഴ്ച രാത്രി 11.40ന് കൊച്ചിയിലെ മൂന്ന് ആഡംബര ഹോട്ടലുകളിലെ നിശാപാർട്ടികളിലായിരുന്നു പരിശോധന. പാലാരിവട്ടത്തെ ആഡംബര ഹോട്ടലിൽ നിന്നാണ് എംഡിഎംഎയും മയക്കുമരുന്നുകളും പിടികൂടിയത്.
സംഭവത്തിന് പിന്നിലെ സിനിമാബന്ധവും അന്വേഷിക്കുന്നുണ്ട്. കൊച്ചി നഗരത്തിലെ ആഡംബര ഹോട്ടലുകൾ കേന്ദ്രീകരിച്ച് നടക്കുന്ന ഇടപാടുകളിൽ മലയാള സിനിമയിലെ പുതുനിരയിലെ പ്രമുഖർക്ക് പങ്കുള്ളതായി ആരോപണം നിലവിലുണ്ട്. മയക്കുമരുന്നുമായി വർഷങ്ങൾക്ക് മുൻപ് പ്രമുഖ നടൻ പിടിയിലായിരുന്നു.
കള്ളക്കടത്തും ആയുധക്കടത്തും നടത്തുന്ന ക്രിമിനലുകൾക്ക് മട്ടാഞ്ചേരി കേന്ദ്രീകരിച്ചുള്ള സിനിമാ സംഘം ഒത്താശ ചെയ്യുന്നതായും ആക്ഷേപമുണ്ട്.
Discussion about this post