കണ്ണൂർ: പൊതിച്ചോർ വിതരണത്തിന്റെ മറവിൽ കഞ്ചാവ് കടത്തിയതിന് ഡി വൈ എഫ് ഐ പ്രവർത്തകൻ അറസ്റ്റിൽ. കൊവിഡ് സന്നദ്ധ പ്രവര്ത്തനത്തിന്റെ മറവില് പൊതിച്ചോറെന്ന വ്യാജേന കഞ്ചാവ് കടത്തിയതിനാണ് ഡി വൈ എഫ് ഐ പ്രവർത്തകനായ മുഹമ്മദ് അഷ്മീർ പിടിയിലായത്. സന്നദ്ധ പ്രവര്ത്തകന് എന്ന പേരില് പഞ്ചായത്തിന്റെ വളണ്ടിയര് കാര്ഡ് ദുരുപയോഗം ചെയ്തായിരുന്നു അഷ്മീറിന്റെ കഞ്ചാവ് കടത്ത്.
ചൊക്ലി കാഞ്ഞിരത്തിന് കീഴില് വാടക വീട്ടില് താമസിക്കുന്ന മുഹമ്മദ് അഷ്മീറിനെയാണ് 8 കിലോ കഞ്ചാവുമായി കൂത്തുപറമ്പിൽ നിന്നും എക്സൈസ് സംഘം പിടികൂടിയത്. അഷ്മീര് സജീവ ഡിവൈഎഫ്ഐ-സിപിഎം പ്രവര്ത്തകനാണെന്ന് നാട്ടുകാർ പറയുന്നു. അഷ്മീർ കഞ്ചാവ് കടത്താൻ ഉപയോഗിച്ചിരുന്ന കാറിൽ നിന്നും നിരവധി സിപിഎം-ഡിവൈഎഫ്ഐ കൊടികളും കണ്ടെടുത്തിട്ടുണ്ട്.
എന്നാൽ സംഭവത്തിന് സംഘടനയുമായി യാതൊരു ബന്ധവുമില്ലെന്ന് ഡി വൈ എഫ് ഐ അറിയിച്ചു. സംഭവം നിയമപരമായി നേരിടുമെന്ന് ഡിവൈഎഫ്ഐ തലശ്ശേരി ബ്ലോക്ക് കമ്മറ്റി പ്രസ്താവനയിൽ അറിയിച്ചു.
Discussion about this post