തൊടുപുഴ: ആർ എസ് എസ്- ബിജെപി പ്രവർത്തകരുമായി ബന്ധപ്പെട്ട വിവരങ്ങൾ പോപ്പുലർ ഫ്രണ്ടിന് ചോർത്തി നൽകിയ കേസിൽ സസ്പെൻഷനിലായ പൊലീസ് ഉദ്യോഗസ്ഥൻ അനസ് പി കെ പൊലീസിൽ ഇരുന്നു കൊണ്ട് അനസ് നടത്തിയത് അത്യന്തം ഗുരുതരമായ ചാരപ്രവർത്തനമെന്ന് റിപ്പോർട്ട്. ബിജെപി- ആർ എസ് എസ് പ്രവർത്തകരെ കൂടാതെ ക്ഷേത്ര വിശ്വാസികളായ സിപിഎം കോൺഗ്രസ് നേതാക്കളുടെയും പൊലീസ് ഉദ്യോഗസ്ഥരുടെയും വിവരങ്ങൾ ഇയാൾ പൊലീസിന് ചോർത്തി നൽകിയതായാണ് വിവരം. അനസിന്റെ ചാരപ്പണി പുറത്തുവന്നതിന് പിന്നാലെ പോലീസ് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്ത് വരുന്നത്.
പോലീസിന്റെ ഡാറ്റാബേസിൽ നിന്നുളള വിവരങ്ങൾ പോപ്പുലർ ഫ്രണ്ട്, എസ്ഡിപിഐ നേതാക്കൾക്ക് മൊബൈൽ ഫോൺ വഴി ചോർത്തി നൽകിയതിനാണ് കരിമണ്ണൂർ പോലീസ് സ്റ്റേഷനിലെ സിപിഒ അനസ് പി.കെ സസ്പെൻഷനിലായത്. ഒരു കേസിൽ പിടിയിലായ പോപ്പുലർ ഫ്രണ്ട് നേതാവിന്റെ ഫോണിൽ നിന്ന് ലഭിച്ച വിവരങ്ങളെക്കുറിച്ചുളള അന്വേഷണത്തിലാണ് അനസ് കുടുങ്ങിയത്.
സംസ്ഥാന പോലീസിലെ ഹിന്ദു വിശ്വാസികളുടെയും ക്ഷേത്രാചാരങ്ങളിൽ പങ്കെടുക്കുന്നവരുടെയും വിശദമായ പട്ടിക അനസ് എസ്ഡിപിഐ, പോപ്പുലർ ഫ്രണ്ട് നേതാക്കൾക്ക് കൈമാറിയിട്ടുണ്ടെന്നാണ് റിപ്പോർട്ട്. ഇവർ ഇപ്പോൾ ജോലി ചെയ്യുന്ന പോലീസ് സ്റ്റേഷനുകളുടെ വിവരങ്ങൾ അടക്കമാണ് കൈമാറിയിരിക്കുന്നത്. മാത്രമല്ല സിപിഎമ്മിന്റെയും കോൺഗ്രസിന്റെയും സംസ്ഥാന നേതാക്കളുടെയും അവരുടെ അടുത്ത അനുയായികളുടെയും വിവരങ്ങളും ഇത്തരത്തിൽ ചോർത്തി നൽകിയിട്ടുണ്ട്. പോപ്പുലർ ഫ്രണ്ടിനെയും എസ്ഡിപിഐയെയും എതിർക്കുന്നവരാണ് ഇവരിൽ അധികവും.
കോൺഗ്രസ്, സിപിഎം നേതാക്കളുടെ വിശദമായ വിവരങ്ങളും വീട്ടിലേക്കുളള വഴിയും വീട്ടുകാരുടെ വിവരങ്ങളും മക്കളുടെ പേരും സഹിതമാണ് ചോർത്തിയിരിക്കുന്നത്. ഭാവിയിൽ ഈ പാർട്ടികളുമായി സംഘർഷമുണ്ടാകുമ്പോൾ നേരിടാനുളള കരുതൽ പട്ടികയാണ് ഇത്. പോലീസുമായി സംഘർഷമുണ്ടായാൽ ഇവരെ തിരഞ്ഞുപിടിച്ച് ആക്രമിക്കാൻ ലക്ഷ്യമിട്ടാണ്
കടുത്ത ഹിന്ദുവിശ്വാസികളും സംഘപരിവാർ ബന്ധമുളളവരുമായ പോലീസുകാരുടെ വിവരങ്ങൾ ശേഖരിച്ചത്.
കേരളത്തിലെ ഓരോ ജില്ലകളിലും ഇതുപോലെ എസ്ഡിപിഐയ്ക്കും പോപ്പുലർ ഫ്രണ്ടിനും വിശ്വസ്തരായ ചാരൻമാർ പോലീസിൽ പണിയെടുക്കുന്നുണ്ടെന്നാണ് പുറത്തു വരുന്ന വിവരം. ആർഎസ്എസ്, ബിജെപി നേതാക്കളുടെ വീടും വഴിയും എല്ലാം മനസിലാക്കിയിട്ടുണ്ടെന്ന എസ്ഡിപിഐ നേതാക്കളുടെ ആവർത്തിച്ചുളള വെല്ലുവിളി ഇതിന്റെ അടിസ്ഥാനത്തിലാണെന്നാണ് സൂചന.
അനസിന്റെ ഫേസ്ബുക്ക് സൗഹൃദ പട്ടികയിൽ മുൻ എസ്ഡിപിഐക്കാരായ പോലീസുകാർ ഏറെയുണ്ടെന്നതും വ്യക്തമാണ്.
