ഭക്ഷണം വെള്ളം എന്നിവ പോലെ തന്നെ ഒരു മനുഷ്യന്റെ ആരോഗ്യത്തിന് അത്യന്താപേക്ഷിതമാണ് വിശ്രമവും. ഈ വിശ്രമം നമുക്ക് ലഭിക്കുന്നതാകട്ടെ ഉറക്കത്തിലൂടെയും. ശരിയായ ഉറക്കം നമ്മെ എന്നും ഉന്മേശവാന്മാരും ഊർജ്ജ്വ സ്വലരുമാക്കുന്നു. ഉറക്കത്തിലുണ്ടാകുന്ന തടസ്സങ്ങളാകട്ടെ പലവിധ ആരോഗ്യ-മാനസിക പ്രശ്നങ്ങളിലേക്ക് നമ്മെ നയിക്കുകയും ചെയ്യും. എന്നാൽ ചിലർക്ക് രാത്രി മതിയാവോളം ഉറങ്ങിയാലും വീണ്ടും ബുദ്ധിമുട്ടുകളുണ്ടാകാറുണ്ട്. ഉറങ്ങുമ്പോൾ നാം ചെയ്യുന്ന ചില കാര്യങ്ങളാണ് ഇതിന് കാരണമാകുന്നത്.
ഭൂരിഭാഗം ആളുകളും തലവഴി മൂടിപ്പുതച്ച് ഉറങ്ങാൻ ഇഷ്ടപ്പെടുന്നവരായിരിക്കും. പ്രത്യേകിച്ച് തണുപ്പുള്ള സമയങ്ങളിൽ പുതപ്പിനകത്ത് ചുരുണ്ടുകൂടി കിടന്ന് ഉറങ്ങുന്നത് പതിവുമാണ്. എന്നാൽ വഴി പുതച്ചുകൊണ്ടുള്ള ഉറക്കം അപകടമാണെന്നാണ് വിദഗ്ധർ പറയുന്നത്. ഇത് കൂടുതൽ കാർബൺഡൈ ഓക്സൈഡ് ശരീരത്തിൽ എത്തുന്നതിന് കാരണമാകും. ഇതാകട്ടെ ക്രമേണ ആരോഗ്യപ്രശ്നങ്ങളിലേക്കും നയിക്കും.
തലവഴി മൂടി കിടക്കുമ്പോൾ നാം പുറത്തുവിടുന്ന കാർബൺഡൈ ഓക്സൈഡ് പുതപ്പിനുള്ളിൽ തന്നെ തങ്ങിനിൽക്കും. അങ്ങനെ തങ്ങി നിൽക്കുന്ന കാർബണ്ഡൈ ഓക്സൈഡ് തന്നെയാണ് ഈ സാഹചര്യത്തിൽ നാം വീണ്ടും ശ്വസിക്കുക. ഇത് തലച്ചോറിന്റെ പ്രവർത്തനങ്ങളെ ബാധിക്കുകയും ക്രമേണ ഓർമ്മക്കുറവിന് കാരണമാകുകയും ചെയ്യുന്നു.
ഉറക്കുമ്പോൾ എല്ലായ്പ്പോഴും ഇടത് വശം ചരിഞ്ഞ് കിടക്കാൻ ശ്രദ്ധിക്കണം. ഇത് പല വിധ ആരോഗ്യപ്രശ്നങ്ങളിൽ നിന്നും നമ്മുടെ ശരീരത്തെ സംരക്ഷിക്കും. ദഹന സംബന്ധമായ പ്രശ്നങ്ങൾ ഉള്ളവർ ഇടതു വശം ചേർന്ന് കിടക്കുകയായിരിക്കും അഭികാമ്യം. ഹൃദയത്തിന്റെ ആരോഗ്യത്തിനും ഈ രീതി പിന്തുടരാം.
ഉറങ്ങാൻ കിടക്കുന്നതിന് മുൻപ് അമിതമായി ഭക്ഷണം കഴിക്കാതിരിക്കാൻ ശ്രദ്ധിക്കണം. ഭക്ഷണം കഴിച്ച് ഉടനെ ഉറങ്ങുന്നതും നല്ലതല്ല. ഇത് ഉറക്കത്തെ ബാധിക്കും. ദഹനപ്രശ്നങ്ങൾ ഉണ്ടാകുന്നതിനും ഇത് കാരണമാകും.
നല്ല ഉറക്കത്തിന് മാത്രമല്ല നല്ല ആരോഗ്യത്തിനും വ്യായാമം മികച്ചതാണ്. നിത്യേന വ്യായാമം ചെയ്യുന്നത് ഉറക്ക സമയം മെച്ചപ്പെടുത്താനും തടസ്സങ്ങളില്ലാതെ ഉറങ്ങാനും സഹായിക്കും. ദിവസേന എട്ട് മണിക്കൂറെങ്കിലും ഉറങ്ങേണ്ടത് അത്യാവശ്യമാണ്. ഉറക്കം എട്ട് മണിക്കൂറിൽ കൂടിയാലും കുറഞ്ഞാലും ആരോഗ്യത്തിന് ദോഷം ചെയ്യും. കിടപ്പു മുറി എല്ലായ്പ്പോഴും വൃത്തിയായി സൂക്ഷിക്കുന്നത് നന്നായി ഉറങ്ങാൻ സഹായിക്കും. അധികം കട്ടിയില്ലാത്ത തലയിണ വേണം ഉപയോഗിക്കാൻ
Discussion about this post