ലോകത്ത് വളരെ അധികം ആരാധകരുള്ള കായികതാരങ്ങളിൽ ഒരാളാണ് വിരാട് കോഹ്ലി. കരിയറിൽ മികച്ച നിലയിൽ മുന്നോട്ട് പോകുന്നതിനിടെ നായകസ്ഥാനം ഉപേക്ഷിച്ചെങ്കിലും, ഇന്ത്യയിൽ ഏറ്റവും ജനപ്രീതിയുള്ള ക്രിക്കറ്റ് താരങ്ങളിൽ ഏറ്റവും മുൻ നിരയിൽ തന്നെ കോഹ്ലി ഇപ്പോഴും തുടരുന്നുണ്ട്.
അടുത്തിടെ നാഗ്പൂരിലെ വിദർഭ ക്രിക്കറ്റ് അസോസിയേഷൻ സ്റ്റേഡിയത്തിൽ നടന്ന ടെസ്റ്റിനിടെ ഒരു ആരാധകൻ കോഹ്ലിയോടുള്ള സ്നേഹം ഒരു പ്രത്യേക സന്ദേശം ഉയർത്തിയാണ് പ്രകടിപ്പിച്ചത്. ” എന്റെ ഭാര്യയെക്കാളുമധികം ഞാൻ വിരാട് കോഹ്ലിയെ സ്നേഹിക്കുന്നു” എന്നാണ് ഈ പ്ലക്കാർഡിൽ എഴുതിയിരുന്നത്. ഇന്ത്യയും ഓസ്ട്രേലിയയും തമ്മിലുള്ള മത്സരത്തിനിടെ കാഴ്ചക്കാരുടെ ഗാലറിയിലിരുന്നാണ് ഇയാൾ ഈ സന്ദേശം ഉയർത്തി പിടിച്ചത്.
വളരെ വേഗമാണ് ഈ സന്ദേശവും ആരാധകനുമെല്ലാം സമൂഹമാദ്ധ്യമങ്ങളിൽ വൈറലായത്. എന്തായാലും സമ്മിശ്ര പ്രതികരമാണ് ആരാധകന്റെ പ്ലക്കാർഡിലെ വാക്കുകൾക്ക് ലഭിക്കുന്നത്. ഇന്ത്യക്കാർ അവരുടെ ഭാര്യമാരെക്കാൾ ക്രിക്കറ്റ് താരങ്ങളെയാണ് സ്നേഹിക്കുന്നത്, എന്നായിരുന്നു ഒരാൾ ചിത്രം പങ്കുവച്ചു കൊണ്ട് ട്വിറ്ററിൽ കുറിച്ചത്.
എന്നാൽ മറ്റൊരാൾ പറയുന്നത് വിരാടിന്റെ ഭാര്യയെക്കാൾ താൻ വിരാടിനെ സ്നേഹിക്കുന്നു എന്നാണ് ആരാധകൻ ഉദ്ദേശിച്ചത് എന്നാണ്. ഇത് വീട്ടിൽ വലിയ പ്രശ്നത്തിന് കാരണമായേക്കാമെന്നും അയാൾ പറയുന്നു. അയാളുടെ ഭാര്യ അയാളെക്കാൾ കോഹ്ലിയെ സ്നേഹിക്കുന്നത് കൊണ്ടാകാം ഈ പ്ലക്കാർഡ് അയാൾ കൊണ്ടുവന്നതെന്നാണ് മറ്റൊരാളുടെ കണ്ടെത്തൽ.
Discussion about this post