കൊച്ചി: മലയാളി പ്രേക്ഷകർ ഒന്നടങ്കം ആകാംഷയോടെ കാത്തിരിക്കുന്ന പൃഥ്വിരാജ് – മോഹൻലാൽ കൂട്ടുകെട്ടിൽ ഒരുങ്ങുന്ന ചിത്രമാണ് ‘എമ്പുരാൻ’.. സിനിമയുമായി ബന്ധപ്പെട്ട് വരുന്ന അപ്ഡേറ്റുകൾ എല്ലാം തന്നെ സാമൂഹ്യ മാദ്ധ്യമങ്ങളിൽ തരംഗമാകാറുണ്ട്. അത്തരത്തിൽ എമ്പുരാന്റെ ഷൂട്ടിങ്ങുമായി ബന്ധപ്പെട്ട പുതിയ റിപ്പോർട്ടുകളാണ് പുറത്ത് വരുന്നത്.
ആറ് മാസത്തോളമായി നടന്ന ലൊക്കേഷന് ഹണ്ട് യാത്രകള് ഉത്തരേന്ത്യയില് അവസാനിച്ചുവെന്നും സിനിമയുടെ ചിത്രീകരണം ഓഗസ്റ്റില് ആരംഭിക്കുമെന്നാണ് പുതിയ റിപ്പോര്ട്ട്.ഒരു തെന്നിന്ത്യൻ ചിത്രത്തിന് വേണ്ടി നടത്തിയ ഏറ്റവും വലിയ ലൊക്കേഷൻ ഹണ്ട് ആയിരിക്കും എമ്പുരാനായി നടത്തിയതെന്നും ഹോളിവുഡ് സിനിമയ്ക്ക് സമാനമായ ലൊക്കേഷനും ചിത്രീകരണവുമാണ് എമ്പുരാനായി ആസൂത്രണം ചെയ്യുന്നതെന്നും റിപ്പോർട്ടുകളുണ്ട്.
പൃഥ്വിരാജിന്റെ സംവിധാനത്തിൽ സ്റ്റീഫൻ നെടുമ്പള്ളിയായി മോഹൻലാൽ നിറഞ്ഞാടിയ 2019 ൽ പുറത്തിറങ്ങിയ ലൂസിഫറിന്റെ രണ്ടാം ഭാഗമാണ് എമ്പുരാൻ.ലൂസിഫറിന്റെ ക്ളൈമാക്സിനു ഉപരിയായി പ്രേക്ഷകരെ ആവേശത്തിലാഴ്ത്തിയ മരണമാസ്സ് എൻട്രി ആയിരുന്നു അബ്രാം ഖുറേഷിയായുള്ള മോഹന്ലാലിന്റെ വരവ്.അന്ന് മുതൽ അബ്രാം ഖുറേഷിയുടെ വരവിനായി കാത്തിരിക്കുകയായിരുന്നു മലയാള സിനിമാലോകം.
അബ്രാം ഖുറേഷി എന്ന കഥാപാത്രത്തിലാകും മോഹന്ലാല് രണ്ടാം ഭാഗത്തില് എത്തുക എന്നാണ് പുറത്ത് വരുന്ന വിവരം. സിനിമയുടെ ചിത്രീകരണം ആരംഭിക്കാൻ പോകുന്നു എന്ന റിപ്പോർട്ടുകൾ ഏറെ ആവേശത്തോടെ സ്വീകരിച്ചിരിക്കുകയാണ് അബ്രാം ഖുറേഷിയുടെ വരവിനായി കാത്തിരുന്ന പ്രേക്ഷകർ. സാമൂഹ്യ മാദ്ധ്യമങ്ങളിൽ ഇതുമായി ബന്ധപ്പെട്ട് വലിയ രീതിയിലുള്ള ചർച്ചകളും ആരംഭിച്ചു കഴിഞ്ഞു
ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിബനില് ആണ് മോഹന്ലാല് നിലവിൽ അഭിനയിച്ചു കൊണ്ടിരിക്കുന്നത്.മലൈക്കോട്ടൈ വാലിബൻ കൂടാതെ ജിത്തു ജോസഫ് ഒരുക്കുന്ന റാം ആണ് മോഹൻലാലിൻറെ അണിയറയിലുള്ള മറ്റൊരു ചിത്രം.
Discussion about this post