ഗാസ: വെസ്റ്റ് ബാങ്കിൽ നടന്ന ഇസ്രയേൽ -പലസ്തീൻ സംഘർഷത്തിൽ പത്ത് പേർ കൊല്ലപ്പെട്ടു. പലസ്തീൻ സ്വദേശികളാണ് കൊല്ലപ്പെട്ടത്. 102 പേർക്ക് സംഘർഷത്തിൽ പരിക്കേറ്റു. ഇതിൽ 6 പേരുടെ നില ഗുരുതരമാണെന്ന് പലസ്തീൻ അധികൃതർ അറിയിച്ചു.
ആക്രമണത്തിൽ വെസ്റ്റ് ബാങ്കിലെ ഒരു കെട്ടിടം പൂർണമായും തകർന്നു. നിരവധി കെട്ടിടങ്ങൾക്ക് കേടുപാടുകൾ സംഭവിച്ചു.
ജെറുസലേമിലെ ഒരു ജൂതപ്പള്ളിയുടെ നേർക്ക് കഴിഞ്ഞ മാസം പലസ്തീൻ ഭീകരർ ബോംബാക്രമണം നടത്തിയിരുന്നു. ഇതിനുള്ള തിരിച്ചടിയാണ് ഇന്നത്തെ ആക്രമണമെന്ന് അന്താരാഷ്ട്ര മാദ്ധ്യമം റിപ്പോർട്ട് ചെയ്യുന്നു. തങ്ങളുടെ ക്ഷമ നശിക്കുകയാണെന്നും, ഇതിന് ഇസ്രയേലിന് ശക്തമായ തിരിച്ചടി നൽകുമെന്നുമായിരുന്നു ഹമാസിന്റെ പ്രതികരണം.
Discussion about this post