സർവ്വ ഐശ്വര്യത്തിന് അക്ഷയതൃതീയ; ശ്രദ്ധിക്കേണ്ട കാര്യങ്ങൾ ഇവയാണ്

ഹൈന്ദവിശ്വാസികൾ ആഘോഷിക്കുന്ന പവിത്രവും ഐശ്വര്യപൂർണവുമായ ദിവസങ്ങളിലൊന്നാണ് അക്ഷയതൃതീയ. ഈ ദിവസം ആരംഭിക്കുന്ന എന്തും എല്ലായ്‌പ്പോഴും വിജയിക്കുമെന്നാണ് വിശ്വാസം. ഏപ്രിൽ 22 ശനിയാഴ്ചയാണ് ഈ വർഷത്തെ അക്ഷതൃതീയ ദിനം. വൈശാഖത്തിലെ ശുക്ലപക്ഷത്തിലെ മൂന്നാം ദിവസമാണ് അക്ഷയതൃതീയ ആഘോഷിക്കുന്നത്. ഗ്രിഗോറിയൻ കലണ്ടർ അനുസരിച്ച്, ഇത് ഏപ്രിൽ-മെയ് മാസങ്ങളിൽ വരുന്നു. ഈ ദിവസമാണ് സൂര്യനും ചന്ദ്രനും അവരുടെ ഗ്രഹനിലയിൽ ഏറ്റവും മികച്ചതായി പറയപ്പെടുന്നത്

നൂറ്റാണ്ടുകൾക്കുമുമ്പ് അയോദ്ധ്യയിലെ രാജാവായിരുന്ന ഋഷഭദേവന് സമർപ്പിക്കാൻ അയോദ്ഘ്യയിൽ നിന്നുള്ള ഭക്തർ സ്വർണവും ആഭരണങ്ങളും വാങ്ങിയത് ഈ ദിവസമാണെന്നാണ് ഐതിഹ്യം. മറ്റൊരു വിശ്വാസമനുസരിച്ച് അക്ഷയ തൃതീയ നാളിലാണ് കുബേരനെ സ്വർഗത്തിന്റെ സമ്പത്തിന്റെ സൂക്ഷിപ്പുകാരനാക്കിയതെന്നും ഈ ദിവസം തന്നെ സ്വർണം വാങ്ങുകയും കുബേരനെ ആരാധിക്കുകയും ചെയ്യുന്നത് ഐശ്വര്യം നൽകുമെന്നും ഒരു വിഭാഗം വിശ്വസിക്കുന്നു.

അക്ഷയതൃതീയ ദിവസത്തിന്റെ മറ്റ് പ്രത്യേകതകൾ

ഗണപതിയും വേദവ്യാസനും മഹാഭാരതം രചിച്ചത് ഈ ദിവസത്തിലാണ്.

മഹാവിഷ്ണുവിന്റെ ആറാമത്തെ അവതാരമായ പരശുരാമന്റെ ജന്മദിനമായും ഈ ദിവസം ആഘോഷിക്കപ്പെടുന്നു.

അന്നപൂർണ ദേവി ജനിച്ചത് ഈ ദിവസമാണ്.

ഈ ദിവസം, ഭഗവാൻ കൃഷ്ണൻ തന്റെ സഹായത്തിനായി വന്ന തന്റെ പാവപ്പെട്ട സുഹൃത്ത് സുദാമയ്ക്ക് സമ്പത്തും ധനലാഭവും നൽകി.

മഹാഭാരതം അനുസരിച്ച്, ഈ ദിവസമാണ് കൃഷ്ണൻ പാണ്ഡവർക്ക് വനവാസത്തിനിടെ ‘അക്ഷയപാത്ര’ സമ്മാനിച്ചത്. അവരെ ഒരിക്കലും വിശപ്പടക്കാത്ത പരിമിതികളില്ലാത്ത ഭക്ഷണം ഉൽപ്പാദിപ്പിക്കുന്ന ഈ പാത്രം നൽകി അവൻ അവരെ അനുഗ്രഹിച്ചു.

ഈ ദിവസം, ഗംഗാനദി സ്വർഗത്തിൽ നിന്ന് ഭൂമിയിലേക്ക് എത്തി.

ഈ ദിവസമാണ് കുബേരൻ ലക്ഷ്മി ദേവിയെ ആരാധിക്കുകയും അങ്ങനെ ദൈവങ്ങളുടെ ധനസൂക്ഷിപ്പുകാരനായി ചുമതലയേൽക്കുകയും ചെയ്തത്.

അക്ഷയതൃതീയ ദിനത്തിൽ ചെയ്യാൻ പാടില്ലാത്ത കാര്യങ്ങൾ എന്തൊക്കെയെന്ന് നോക്കാം

ലക്ഷ്മീ പ്രീതിയാണ് ആഗ്രഹിക്കുന്നതെങ്കിൽ അക്ഷയതൃതീയ ദിവസം ദേഷ്യപ്പെടരുത്. ലക്ഷ്മീപൂജ ചെയ്യുന്നയാളെ ശല്യം ചെയ്യുകയുമരുത്. ശാന്തമായ മനസോടെയായിരിക്കണം ഈ ദിവസം പൂജാദികർമ്മങ്ങളിൽ ഏർപ്പെടാൻ.

ഈ ദിവസം തിന്മയെ കുറിച്ചുള്ള ചിന്തയേ അരുത്, മറ്റുള്ളവരെക്കുറിച്ച് ദോഷവും ചിന്തിക്കരുത്. ദേവീപൂജയ്ക്ക് ശേഷം ദാനം ചെയ്യാതിരിക്കുന്നത് മഹാപാപം.

അക്ഷയതൃതീയ ദിനത്തിൽ വീടിന്റെ ഒരു മൂലയും ഇരുട്ടിലായിരിക്കരുത്. വീടിന്റെ ഏതെങ്കിലും ഭാഗത്ത് ഇരുട്ടുണ്ടെങ്കിൽ തീർച്ചയായും അവിടെ വിളക്ക് കത്തിക്കുക

മഹാവിഷ്ണുവും ലക്ഷ്മീദേവിയും പതീപത്‌നികളായതിനാൽ ഇരുവരെയും ഒന്നിച്ച് മാത്രം ഈ ദിവസം ആരാധിക്കുക.

പുറത്ത് ഷോപ്പിംഗിന് പോയാൽ വെറും കയ്യോടെ മടങ്ങുന്നത് ദോഷം ചെയ്യും. സ്വർണമോ,വെള്ളിയോ വാങ്ങിയില്ലെങ്കിലും ഏതെങ്കിലും ലോഹം വാങ്ങി മാത്രം വീട്ടിലെത്തുക

അക്ഷയതൃതീയ നാളിൽ ശുദ്ധിയോടെ ഇരിക്കുക. വൃത്തിയുള്ള വസ്ത്രവും ധരിക്കാൻ ശ്രമിക്കുക. കുളിക്കാതെ തുളസിയില പറിക്കരുത്.