കണ്ണൂർ: കർണാടക നിയമസഭാ തിരഞ്ഞെടുപ്പിൽ വിജയിച്ചിരിക്കുകയാണ് കോൺഗ്രസ്. ഇതിനിടെ കോൺഗ്രസിന്റെ വിജയത്തിൽ രാഹുൽ ഗാന്ധിയ്ക്ക് ആശംസയേകിയിരിക്കുകയാണ് നടൻ ഹരീഷേ പേരടി. രാഹുൽജി..നിങ്ങൾ നടന്ന നടത്തത്തിന് ഫലം കണ്ടു…അഭിവാദ്യങ്ങൾ’ എന്ന് അദ്ദേഹം ഫേസ്ബുക്കിൽ കുറിച്ചു. സൗത്ത് ഇന്ത്യയെ പൂർണ്ണമായും ജനാധിപത്യവൽക്കരിക്കാൻ ഇനി കേരളവും കൂടി ജനാധിപതൃവൽക്കരിക്കണമെന്നും അതിന് ഫാസിസ്റ്റ് പാർട്ടിയെ ജയിക്കേണ്ടതുണ്ടെന്നും ഹരീഷ് പേരടി പറഞ്ഞു
ഇന്ന് നടൻ ജോയ് മാത്യുവും കോൺഗ്രസിന്റെ വിജയത്തിൽ സന്തോഷം പ്രകടിപ്പിച്ചിരുന്നു. അദ്ദേഹം, സിപിഎമ്മിന്റെ ദയനീയ പ്രകടനത്തെ കണക്കറ്റ് കളിയാക്കി. ആകെ മത്സരിച്ച നാലിടങ്ങളിൽ മൂന്നിടങ്ങളിലും നോട്ടയേക്കാൾ കുറവായിരുന്നു സിപിഎമ്മിന്റെ വോട്ട് വിഹിതം ഇത് ചൂണ്ടിക്കാട്ടിയാണ് നടന്റെ പരിഹാസം.
നോട്ടക്ക് -അതായത് ആരെയും വേണ്ടാത്തവർക്ക്- കിട്ടിയതിനേക്കാൾ കുറവാണ് കമ്മികൾക്ക് കിട്ടിയത് എന്നറിഞ്ഞപ്പോഴാണ് എന്റെ ഉള്ളം ഒന്ന് തണുത്തത്.അതായത് കന്നഡക്കാരനും വ്യാജനെ വേണ്ടത്രേയെന്ന് അദ്ദേഹം പരിഹസിച്ചു.
