മിഷിഗൺ : സഹോദരിയെ തട്ടിക്കൊണ്ട് പോകാനെത്തിയ അക്രമിയെ കവണ കൊണ്ട് നേരിട്ട് ഹീറോയായിരിക്കുകയാണ് 13 കാരനായ ഓവൻ ബേൺസ്. യുഎസിലെ മിഷിഗണിൽ അൽഫേന ടൗൺഷിപ്പിലാണ് സംഭവം. എട്ട് വയസുകാരിയായ സഹോദരിയെയാണ് 13 കാരൻ അക്രമിയിൽ നിന്ന് രക്ഷിച്ചത്.
കുട്ടികളുമൊന്നിച്ച് കളിച്ചുകൊണ്ടിരിക്കുന്നതിനിടെയാണ് എട്ട് വയസുകാരിയെ തട്ടിക്കൊണ്ട് പോകാൻ ശ്രമിച്ചത്. ദൂരെയുള്ള ജനലിൽ നിന്ന് ഇത് കണ്ട ഓവൻ ആദ്യം കരുതിയത് അവൾ സുഹൃത്തുക്കളുമായി വഴക്കിടുകയായിരിക്കും എന്നാണ്. എന്നാൽ പിന്നീടാണ് കുഞ്ഞനുജത്തി അപകടത്തിൽ പെട്ടിരിക്കുകയാണെന്ന് സഹോദരന് മനസിലായത്.
അനുജത്തിയുടെ വായ അടച്ച്പിടിച്ച് അവളെ തട്ടിക്കൊണ്ട് പോകാൻ ശ്രമിക്കുകയാണെന്ന് മനസിലായതോടെ കൈയ്യിലുണ്ടായിരുന്ന കവണ എടുത്ത് പ്രയോഗിച്ചു. അക്രമിയുടെ തലയ്ക്കും നെഞ്ചിന് നേരെയുമാണ് ലക്ഷ്യംവെച്ചത്. മാർബിളും കല്ലുമുപയോഗിച്ച് ആക്രമിച്ചു. പരിക്കേറ്റ അക്രമി വീണതോടെ അനുജത്തി അയാളെ ചവിട്ടിയിട്ട് ഓടുകയായിരുന്നു.
സംഭവത്തില് 17 കാരനായ യുവാവിനെ പോലീസ് പിടികൂടി. അക്രമിയുടെ തലയ്ക്കും നെഞ്ചിലും ഗുരുതരമായി പരിക്കേറ്റിട്ടുണ്ടെന്ന് പോലീസ് പറഞ്ഞു. സംഭവത്തിൽ കേസെടുത്ത പോലീസ് ഇയാളുടെ പേര് വിരങ്ങൾ പുറത്തുവിട്ടിട്ടില്ല.
Discussion about this post