ആൾമാറാട്ടവും, മദ്യപാന ആഘോഷങ്ങളും; വിവാദങ്ങളിൽ നട്ടം തരിഞ്ഞ് എസ്എഫ്ഐ തിരുവനന്തപുരം ജില്ല കമ്മറ്റി: സമ്മേളനത്തിനിടെ കയ്യാങ്കളി: ആറുമാസത്തിനിടെ ജില്ലാ പ്രസിഡണ്ടിനെ വീണ്ടും മാറ്റി

തിരുവനന്തപുരം: എസ്എഫ്ഐ തിരുവനന്തുപുരം ജില്ലാ സമ്മേളനത്തിനിടെ  കയ്യാങ്കളി. പ്രസിഡണ്ട് തിരഞ്ഞെടുപ്പിനെ ചൊല്ലിയാണ് തർക്കം നടന്നത്. വിവാദങ്ങളിൽപ്പെട്ടവരെ സ്ഥാനങ്ങളിൽ നിന്ന് മാറ്റിനിർത്തി സംഘടനയ്ക്ക് ഉണ്ടായിട്ടുള്ള ചീത്തപേരിൽ നിന്ന് തടി രക്ഷിക്കണമെന്നാണ് മുതിർന്ന നേതാക്കളുടെ ഉപദേശം. ഇതിൻറെ അടിസ്ഥാനത്തിൽ വിവാദങ്ങളിലും , കുറ്റകൃത്യങ്ങളിലും ഉൾപ്പെട്ടവരെ തത്ക്കാലത്തേക്ക് മാറ്റിനിർത്താൻ സംഘടന നേതൃത്വം തീരുമാനിച്ചു.

കാട്ടാക്കട ക്രിസ്ത്യൻ കോളേജിലെ യുയുയി ആൾമാറാട്ട കേസിൽ ഉൾപ്പെട്ട ആദിത്യനെ ജില്ലാ പ്രസിഡണ്ട് സ്ഥാനത്ത് നിന്ന് മാറ്റി. ഇതോടെ ജില്ലാ സമ്മേളനത്തിൽ തർക്കം തുടങ്ങി. കാട്ടാക്കട കോളേജിലെ ആൾമാറാട്ട കേസ് സർവ്വകലാശാലയിൽ അറിയിച്ചതിൽ ആദിത്യനും പങ്കുണ്ടെന്നാണ് നേതൃത്വത്തിലെ ഒരു വിഭാഗത്തിൻറെ ആരോപണം. ഇക്കാരണത്താലാണ് ആദിത്യനെ മാറ്റി നിർത്താൻ ജില്ലാ നേതൃത്വം രഹസ്യ തീരുമാനം എടുത്തത്. ഇതുമായി ബന്ധപ്പെട്ട റിപ്പോർട്ടുകളൊന്നും ജില്ലാ സമ്മേളനത്തിൽ അവതരിപ്പിച്ചില്ല. എന്നാൽ തീരുമാനം വന്നതോടെ സമ്മേളനത്തിനിടെ തർക്കവും കയ്യാങ്കളിയും തുടങ്ങി.

ത​ർ​ക്ക​ത്തി​നൊ​ടു​വി​ൽ വ​ഞ്ചി​യൂ​ർ ഏ​രി​യ ക​മ്മി​റ്റി​യി​ൽ നി​ന്നു​ള്ള ന​ന്ദ​നെ പു​തി​യ പ്ര​സി​ഡ​ന്‍റാ​യി തെ​ര​ഞ്ഞെ​ടു​ത്തു. സെ​ക്ര​ട്ട​റി സ്ഥാ​ന​ത്ത് ആ​ദ​ർ​ശ് തു​ട​രും.  ജി​ല്ലാ പ്ര​സി​ഡ​ന്‍റ് ജോ​ബി​ൻ ജോ​സും സെ​ക്ര​ട്ട​റി ഗോ​കു​ൽ ഗോ​പി​നാ​ഥ​നും മ​ദ്യ​പി​ച്ച് റോ​ഡി​ൽ നൃ​ത്തം ചെ​യ്ത വി​ഡി​യോ പു​റ​ത്തു​വ​ന്ന​തോ​ടെ​യാ​ണ് കഴിഞ്ഞ ജില്ലാ സമ്മേളനത്തിലും നേതൃമാറ്റം ഉണ്ടായത്. അതിനു ശേഷമാണ് 2022 ഡി​സം​ബ​ർ 30-ന് ആ​ദി​ത്യ​ൻ, ആ​ദ​ർ​ശ് എ​ന്നി​വ​രെ ജി​ല്ലാ പ്ര​സി​ഡ​ന്‍റ്, സെ​ക്ര​ട്ട​റി സ്ഥാ​ന​ങ്ങ​ളി​ലേ​ക്ക് നി​യ​മി​ച്ച​ത്. ഈ ​സ്ഥാ​ന​മാ​റ്റം.