ജിസ്സൈൻ : ജർമ്മനിയിലെ എറിട്രിയൻ ഫെസ്ററിവലിൽ സംഘർഷം. ജിസ്സെൻ നഗരത്തിലെ ഫെസ്ററിവലിലുണ്ടായ സംഘർഷത്തിൽ 26 പോലീസുകാർക്ക് പരിക്കേറ്റു. അക്രമവുമായി ബന്ധപ്പെട്ട് 200 പേരെ അറസ്റ്റ് ചെയ്തിട്ടുണ്ട്. ഫെസ്റ്റിവലിനെതിരെ പ്രതിഷേധിച്ചവരെയാണ് അറസ്റ്റ് ചെയ്തതെന്നാണ് വിവരം.
സംഘർഷാവസ്ഥ കണക്കിലെടുത്ത് പ്രദേശത്ത് പോലീസിന്റെ നേതൃത്വത്തിൽ അടിയന്തിര നടപടികൾ സ്വീകരിച്ചിരിക്കുകയാണ്. പ്രതിഷേധം അക്രമാസക്തമായതിനെ തുടർന്ന് ജലപീരങ്കികൾ, ഹെലികോപ്പ്ടറുകൾ, പെപ്പർ സ്പ്രേ എന്നിവ സജീകരിച്ചിട്ടുണ്ട്. 1000 പോലീസുകാരെയും സുരക്ഷയ്ക്കായി വിന്യസിപ്പിക്കുകയും ചെയ്തിട്ടുണ്ടെന്നാണ് വിവരം.
എറിട്രിയയുടെ ഭരണാധികാരിയായിരുന്ന ഇസിയാസ് അഫ്വേർക്കിയെ പിന്തുണയ്ക്കുന്നവരാണ് ഫെസ്റ്റിവലിന്റെ സംഘാടകരെന്നാണ് പ്രതിഷേധക്കാരുടെ ആരോപണം. ഈ ഫെസ്റ്റിവൽ തന്നെ ഇസിയാസ് അഫ്വേർക്കിയെ വെള്ളപൂശാനും അദ്ദേഹത്തിന്റെ ആശയങ്ങൾ പ്രചരിപ്പിക്കാനും വേണ്ടിയുള്ളതാണെന്നും ഇവർ കുറ്റപ്പെടുത്തുന്നുണ്ട്. ഇതാണ് ഒരു സംഘം ആളുകൾ എറിട്രിയൽ ഫെസ്റ്റിവലിന് നേരെ തിരിയാനുണ്ടായ കാരണമെന്നാണ് പ്രാഥമിക വിവരം. ഇത് ആദ്യമായല്ല എറിട്രിയൽ ഫെസ്റ്റിവൽ സംഘർഷഭരിതമാകുന്നത്. ഇതിന് മുൻപ്, ഓഗസ്റ്റ് മാസത്തിൽ നടന്ന സംഘർഷത്തിൽ പ്രതിഷേധം കനക്കുകയും നിരവധി പേർക്ക് പരിക്കേൽക്കുകയും ചെയ്തിരുന്നു.
Discussion about this post