കോഴിക്കോട് : വിഐപികൾ സംസാരിക്കുമ്പോൾ മൈക്ക് തകരാറിലായാൽ അന്വേഷണമുണ്ടാകുമെന്ന് എൽഡിഎഫ് കൺവീനർ ഇപി ജയരാജൻ. ബോംബുകളുമായാണ് കോൺഗ്രസുകാർ നടക്കുന്നത്. സുധാകരനെയും കൂട്ടരെയും വിശ്വസിച്ച് കേരളത്തിൽ എങ്ങനെ ഇറങ്ങിനടക്കുമെന്നും ഇപി ജയരാജൻ ചോദിച്ചു.
ഉമ്മൻ ചാണ്ടിയുടെ അനുസ്മരണ ചടങ്ങിൽ മുഖ്യമന്ത്രി സംസാരിച്ചപ്പോൾ മാക്രം മുദ്രാവാക്യം വിളികൾ ഉയർന്നു. ഉമ്മൻ ചാണ്ടിക്ക് കിട്ടുന്ന ആദരവ് ഇല്ലാതാക്കാൻ ഉമ്മൻ ചാണ്ടി വിരുദ്ധരാണ് ഇത് ചെയ്തത്. എന്നാൽ പ്രശ്നമുണ്ടാക്കിയപ്പോഴും മുഖ്യമന്ത്രി പക്വതയോടെ പ്രസംഗിച്ചു. ഉന്നത നിലവാരം ഉള്ള പ്രസംഗമായിരുന്നു മുഖ്യമന്ത്രിയുടേതെന്നും ജയരാജൻ പറഞ്ഞു.
ഏത് വിഐപി സംസാരിക്കുമ്പോഴും മൈക്ക് പ്രശ്നം ഉണ്ടായാൽ അത് പോലീസ് പരിശോധിക്കുമെന്നാണ് ഇപി പറഞ്ഞത്. അതിനെപ്പോലും മോശമായി വിമർശിക്കുകയാണ് ഉണ്ടായത്. വിഐപി സെക്യൂരിറ്റി ചട്ടപ്രകാരം ഉള്ള നടപടി മാത്രമാണ് പോലീസ് ചെയ്തത്. ആരെയും പ്രതി ആക്കിയില്ലെന്നും ജയരാജൻ പറഞ്ഞു.
Discussion about this post