‘രഞ്ജിത് വളരെ മാന്യനായ, കേരളം കണ്ട ഇതിഹാസം‘: അവാർഡ് കിട്ടിയത് അർഹതപ്പെട്ടവർക്കെന്ന് സജി ചെറിയാൻ

തിരുവനന്തപുരം: സംസ്ഥാന ചലച്ചിത്ര പുരസ്കാരങ്ങളെ ചൊല്ലി ചലച്ചിത്ര അക്കാഡമി ചെയർമാൻ രഞ്ജിത്തിനെതിരെ സംവിധായകൻ വിനയൻ ഉന്നയിച്ച ആരോപണങ്ങളിൽ പ്രതികരണവുമായി സാംസ്കാരിക വകുപ്പ് മന്ത്രി സജി ചെറിയാൻ. വിഷയത്തിൽ രഞ്ജിത്തിനെ ന്യായീകരിക്കുന്ന നിലപാടാണ് സജി ചെറിയാൻ സ്വീകരിച്ചത്. രഞ്ജിത് വളരെ മാന്യനായ, കേരളം കണ്ട ഇതിഹാസമാണെന്ന് സജി ചെറിയാൻ അഭിപ്രായപ്പെട്ടു.

സംസ്ഥാന ചലച്ചിത്ര പുരസ്‌കാര നിർണയത്തിൽ രഞ്ജിത്തിന് ഒരു റോളുമില്ല. ജൂറിയിലെ അംഗമല്ല അദ്ദേഹം. അദ്ദേഹത്തിന് ഒരാളുമായും സംസാരിക്കാൻ കഴിയില്ല. അദ്ദേഹമല്ല ജൂറിയെ തിരഞ്ഞെടുത്തത്. അദ്ദേഹത്തിന് ഒരിക്കലും ഇടപെടാൻ കഴിയില്ലെന്നും സജി ചെറിയാൻ പറഞ്ഞു.

രഞ്ജിത് ചെയർമാനായ ചലച്ചിത്ര അക്കാഡമി ഏറ്റവും ഭംഗിയായി ഈ വർഷങ്ങളിൽ പ്രവർത്തനം നടത്തിയെന്നതിൽ അഭിനന്ദിക്കുകയാണ് ചെയ്യേണ്ടത്. അവാർഡ് വിതരണം എത്ര ഭംഗിയായാണ് അവർ സംഘടിപ്പിക്കുന്നത്. സാംസ്‌കാരിക വകുപ്പിന്റെ കീഴിൽ പ്രവർത്തിക്കുന്ന സ്ഥാപനമെന്ന നിലയിൽ സാംസ്‌കാരിക വകുപ്പിന് അഭിമാനത്തോടെ ഓർക്കാൻ കഴിയുന്ന പ്രവർത്തനങ്ങളാണ് അവർ ചെയ്യുന്നതെന്നും സജി ചെറിയാൻ അഭിപ്രായപ്പെട്ടു. അർഹതപ്പെട്ടവർക്ക് തന്നെയാണ് ഈ വർഷം ജൂറി അവാർഡ് നൽകിയിരിക്കുന്നത്. എന്നാൽ, പുരസ്‌കാരം കിട്ടാത്തവർ മോശമാണെന്ന് താൻ പറയില്ലെന്നും സജി ചെറിയാൻ കൂട്ടിച്ചേർത്തു.

അതേസമയം, സംസ്ഥാന ചലച്ചിത്ര അ​വാ​ർ​ഡ് ​നി​ർ​ണ്ണ​യ​ത്തി​ൽ​ ​ച​ല​ച്ചി​ത്ര​ ​അ​ക്കാ​ഡ​മി​ ​ചെ​യ​‌​‌​ർമാ​ൻ​ ​ര​ഞ്ജി​ത്ത് ​ഇ​ട​പെ​ട്ടെ​ന്ന് കഴിഞ്ഞ ദിവസം ​സം​വി​ധാ​യ​ക​ൻ​ ​വി​ന​യ​ൻ ആരോപിച്ചിരുന്നു. ത​ന്റെ​ ​സി​നി​മ​യാ​യ​ ​പ​ത്തൊ​മ്പ​താം​ ​നൂ​റ്റാ​ണ്ടി​ന് ​അ​വാ​ർ​ഡ് ​ന​ൽ​കാ​തി​രി​ക്കാ​ൻ​ ​ര​ഞ്ജി​ത്ത് ​ശ്ര​മി​ച്ചെ​ന്നും​ ​അ​തി​ന് ​തെ​ളി​വു​ണ്ടെ​ന്നും വിനയൻ വ്യക്തമാക്കിയിരുന്നു. ക​ലാ​സം​വി​ധാ​ന​ത്തി​ൽ​ ​അം​ഗീ​കാ​ര​ങ്ങ​ൾ​ ​നേ​ടി​യി​ട്ടു​ള്ള​ ​ജൂ​റി​ ​അം​ഗം,​ ​പ​ത്തൊ​മ്പ​താം​ ​നൂ​റ്റാ​ണ്ടി​ലെ​ ​ക​ലാ​സം​വി​ധാ​ന​മാ​ണ് ​ഏ​റ്റ​വും​ ​മി​ക​ച്ച​ത് ​എ​ന്ന് ​വാ​ദി​ച്ചെ​ങ്കി​ലും​ ​ജൂ​റി ​അം​ഗ​മാ​യ​ ​ന​ടി​ ​എ​തി​ർ​ത്ത​തി​ന് ​പി​ന്നിൽ ര​ഞ്ജി​ത്താ​ണെ​ന്നാ​യിരുന്നു ​വി​ന​യ​ൻ ഫേസ്ബുക്ക് പോസ്റ്റിലൂടെ ആരോപിച്ചത്.