ഭക്ഷണ പഥാർത്ഥങ്ങളിൽ അടങ്ങിയിട്ടുള്ള പലതരം വിറ്റമിനെ കുറിച്ച് കുറച്ചെങ്കിലും അറിവുള്ളവരാണ് നമ്മൾ.എന്നാൽ വിറ്റമിൻ പി എന്നതിനെ കുറിച്ച് കേട്ടിട്ടുണ്ടോ? നമ്മൾ സ്ഥിരമായി കഴിക്കുന്ന പല ആഹാരങ്ങളിലും ഇതുണ്ടെങ്കിലും അറിയപ്പെടുന്നത് വേറെ ഒരു പേരിലാണ്. അത് തന്നെയാണ് അതിന്റെ യഥാർത്ഥ നാമവും.
പഴവർഗങ്ങളിലും പച്ചക്കറികളിലും കാണപ്പെടുന്ന ഫ്ലേവനോയ്ഡ് ആണ് വിറ്റാമിൻ പി എന്നറിയപ്പെടുന്നത്. ഏകദേശം 6,000 ത്തിൽ പരം ഫ്ലേവനോയ്ഡ് ഉണ്ടെന്നാണ് പറയപ്പെടുന്നത്. 1930ൽ ഓറഞ്ചിൽ നടത്തിയ ഒരു പരീക്ഷണത്തിലാണ് ഫ്ലേവനോയ്ഡ് ആദ്യമായി കണ്ടെത്തിയത്. അന്ന് ഇതിനെ വിറ്റമിൻ പി എന്നാണ് വിശേഷിപ്പിച്ചിരുന്നത്. പിന്നീടാണ് ഫ്ലേവനോയ്ഡ് ഒരു വിറ്റമിൻ അല്ല എന്ന് കണ്ടെത്തുന്നത്.
സവാള, ഒലീവ് ഓയിൽ മുന്തിരി, തക്കാളി, റെഡ് വൈൻ, ടീ എന്നിവയിൽ കാണപ്പെടുന്ന ഫ്ലേവനോയ്ഡ് ആണ് flavonols. പാഴ്സ്ലി, തൈം, മിന്റ്, സെലറി എന്നിവയിൽ കാണപ്പെടുന്ന ഫ്ലേവനോയ്ഡ് flavones എന്നും അറിയപ്പെടുന്നു.കട്ടൻ ചായ, ഗ്രീൻ ടീ, കോകോ, ആപ്പിൾ എന്നിവയിൽ കാണപ്പെടുന്ന മറ്റൊരുതരം ഫ്ലേവനോയ്ഡ് ആണ് falanols
ഫ്ലേവനോയ്ഡ് അടങ്ങിയ ആഹാരങ്ങൾ കഴിക്കുന്നത് പ്രമേഹത്തെ നിയന്ത്രിക്കാൻ സഹായിക്കുന്നു. ചില സമയത്ത് ഫ്ലേവനോയ്ഡ് ഒരു ആന്റിഓക്സിഡന്റ് പോലെ പ്രവർത്തിക്കുന്നു.ഇത് ഫ്രീറാഡിക്കൽസിനെ തുരത്തുന്നതിനും അതുപോലെ തന്നെ കോശങ്ങൾക്കുണ്ടാകാവുന്ന ക്ഷതത്തിൽ നിന്നും സംരക്ഷിക്കുകയും ചെയ്യുന്നു.ഫലേവനോയ്ഡ് തലച്ചോറിന്റെ കോശങ്ങളെ സംരക്ഷിച്ച് നിലനിർത്തുന്നു. അതുപോലെ തന്നെ നല്ല ബുദ്ധിശക്തിയ്ക്കും ഇത് സഹായിക്കുന്നു.
Discussion about this post