വീട്ടിലെ മിക്ക കറികളുടെയും പേരധാന ചേരുവയാണ് സവാള. നമ്മൾ ഇന്ത്യക്കാരെ സംബന്ധിച്ചിടത്തോളം സവാള ഇല്ലാത്ത ഭക്ഷണശീലം ഉപ്പില്ലാത്ത കഞ്ഞിപോലെയാണെന്ന് തമാശക്ക് പറയാം. എന്നിരുന്നാലും വെജിറ്റേറിയനായാലും നോൺ വെജിറ്റേറിയനായാലും സവാള നമ്മുടെ ശീലങ്ങളിലൊന്നാണ്. ആരോഗ്യ ഗുണങ്ങൾ ഏറെയുള്ള സവാള പാകം ചെയ്ത് കഴിക്കുന്നതിനേക്കാൾ പച്ചയ്ക്ക് കഴിച്ചാൽ മറ്റ് ചിലതുണ്ട് ഗുണങ്ങൾ. ഉരുളക്കിഴളങ്ങിനെ പോലെയല്ല, മുള വന്ന സവാള കഴിച്ചാൽ ആരോഗ്യ ഗുണങ്ങൾ ഏറെയാണെന്നാണ് വിദഗ്ധർ പറയുന്നത്. മുള വന്നാൽ സവാളയുടെ കയ്പ് രുചി കുറയ്ക്കാൻ സഹായിക്കും.
സവാള ആന്റി ഓക്സിന്റുകളാൽ സമ്പുഷ്ടമാണ്. ആന്റി ഓക്സിഡന്റായ ക്വെർസെറ്റിന് ശരീരത്തിലെ ചീത്ത കൊളസ്ട്രോൾ കുറയ്ക്കാൻ വളരെയധികം സഹായിക്കും. സവാളയിൽ പോഷകങ്ങൾക്കൊപ്പം നാരുകളും അടങ്ങിയിട്ടുണ്ട്. കുടലിന്റെ ആരോഗ്യത്തിന് ആവശ്യമായ നാരുകളുടെയും പ്രീബയോട്ടിക്കുകളും നിറഞ്ഞതാണ് സവാള. ശരീരത്തിലെ വീക്കം കുറയ്ക്കാൻ സവാള മുളപ്പിച്ച് പച്ചയ്ക്ക് കഴിക്കുന്നതാണ് ഗുണകരം.
രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കാൻ പാകം ചെയ്യാത്ത സവാളയ്ക്ക് ശക്തിയുണ്ട്.ഈ സവാളയിലെ തന്മാത്രകൾ പാൻക്രിയാസ്, കരൾ, ചെറുകുടൽ, അഡിപ്പോസ് ടിഷ്യു എന്നിവയുടെ പ്രവർത്തനങ്ങൾ മെച്ചപ്പെടുത്തുന്നു
ദഹനം മെച്ചപ്പെടുത്താൻ ഏറെ സഹായിക്കും. ശരീരത്തിലെ അനാവശ്യ മാലിന്യങ്ങൾ നീക്കം ചെയ്യുകയും കുടൽ വൃത്തിയാക്കുന്നു. വെറ്റമിൻ എ അടങ്ങിയ മുളപ്പിച്ച സവാള കണ്ണിന്റെ ആരോഗ്യത്തിന് നല്ലതാണ്. സവാളയ്ക്ക് മുള വരുമ്പോൾ അത് കൂടുതൽ മൃദുവാകും.
Discussion about this post