തൃശൂര്: പൂരത്തെ വെല്ലുന്ന ആഘോഷത്തോടെ തൃശൂരിലെ ബിജെപി സ്ഥാനാര്ത്ഥി സുരേഷ് ഗോപിയുടെ തിരഞ്ഞെടുപ്പ് പ്രചാരണത്തിന്റെ കൊട്ടിക്കലാശം. തെക്കേ ഗോപുരനടക്കു താഴെ മൂന്ന് പോയിന്റുകളിലായി ആണ് മുഖാമുഖം മൂന്ന് സ്ഥാനാര്ത്ഥികളും നിരന്നത്. ആവേശം അണപൊട്ടിയ അവസാന മിനിട്ടുകളില് പ്രവര്ത്തകര്ക്കൊപ്പം നൃത്തം വച്ച് സുരേഷ് ഗോപി രംഗം കൊഴുപ്പിച്ചു.
അവസാന നിമിഷ അടിയൊഴുക്കുകള് വിധി നിര്ണ്ണയിച്ചേക്കാവുന്ന ഇഞ്ചോടിഞ്ച് പോരാട്ടത്തിലേക്ക് തൃശൂര് എത്തിയതിന്റെ എല്ലാ ആവേശവും കൊട്ടിക്കലാശത്തിലും കണ്ടു. തുറന്ന വാഹനത്തില് പ്രവര്ത്തകര്ക്കൊപ്പം നൃത്ത ചുവട് വെച്ചും കൈവീശിയും മറ്റു സ്ഥാനാര്ത്ഥികളും ആവേശത്തില് പങ്കുചേര്ന്നു.
ഹൈഡ്രജന് ബലൂണുകളും പൂത്തിരികളും വാദ്യമേളങ്ങളും തീര്ത്ത ഉത്സവ പ്രതീതിയിലാണ് കൊട്ടിക്കലാശം അവസാനിച്ചത്.
Discussion about this post