പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയ മദ്ധ്യവയസ്ക്കന് ശിക്ഷ വിധിച്ച് കോടതി. ചേര്പ്പ് പടിഞ്ഞാട്ടുമുറി സ്വദേശി അബ്ദുള് കരീമി (64) നെയാണ് സ്പെഷ്യല് പോക്സോ കോടതി നമ്പര് രണ്ട് ജഡ്ജ് ജയപ്രഭു ശിക്ഷിച്ചത്.മൂന്നു ജീവപര്യന്തവും ആറു വര്ഷം കഠിനതടവും 3,75,000 രൂപ പിഴയുമാണ് ശിക്ഷ വിധിച്ചത്.
വീട്ടില് ആരും ഇല്ലാതിരുന്ന സമയം പ്രതി വീടിനകത്ത് കിടന്ന് ഉറങ്ങുകയായിരുന്ന പെണ്കുട്ടിയെ ലൈംഗികമായി പീഡിപ്പിക്കുകയായിരുന്നു. തുടര്ന്ന് പെണ്കുട്ടി ഗര്ഭിണിയായി.
വിദേശത്തുള്ള ജോലി ഉപേക്ഷിച്ച് നാട്ടില് സ്ഥിരം താമസമാക്കിയ പ്രതി വീട്ടിലുള്ള പല ദിവസങ്ങളിലും ലൈംഗിക ചേഷ്ടകള് കാണിച്ച് കുട്ടിയെ ഭീഷണിപ്പെടുത്തിയിരുന്നു.
