തിരുവനന്തപുരം: ഡബ്ല്യൂസിസിയുടെ സ്ഥാപക അംഗത്തിന് നേരെയുള്ള ആക്രമണത്തിനെതിരെ പ്രസ്താവനക്കുറിപ്പ് പുറത്തിറക്കിയ ഡബ്ല്യൂസിസി നടപടിയില് പ്രതികരിച്ച് നടി മഞ്ജു വാര്യർ. ഫേസ്ബുക്ക് പോസ്റ്റിലൂടെയായിരുന്നു താരത്തിന്റെ പ്രതികരണം. ‘അനിവാര്യമായ വിശദീകരണം’ എന്നാണ് മഞ്ജു ഫേസ്ബുക്കില് കുറിച്ചത്. ഹേമ കമ്മിറ്റി റിപ്പോര്ട്ട് പുറത്തെത്തിയതിന് പിന്നാലെ ഡബ്ല്യുസിസിയുടെ സ്ഥാപക അംഗത്തിന് നേരെ നടക്കുന്ന സൈബര് ആക്രമണങ്ങളെ അപലപിച്ച് ആയിരുന്നു പ്രസ്താവന.
ഓരോ അംഗത്തിനും അവരുടെ സ്വന്തം അനുഭവങ്ങളെക്കുറിച്ച് ഭയം കൂടാതെ സംസാരിക്കാൻ അവകാശമുണ്ടെന്നാണ് തങ്ങള് കരുതുന്നതെന്നും സ്ത്രീകൾക്കെതിരെ സ്ത്രീകളെ പ്രതിഷ്ഠിക്കുന്ന തരത്തിലുള്ള പ്രചരണമാണ് നടക്കുന്നതെന്നും ഡബ്ല്യുസിസി പ്രസ്താവനയില് വ്യക്തമാക്കി.
കഴിവുകൊണ്ടും കഠിനാധ്വാനം കൊണ്ടും സ്വന്തമായി ഇടം ഉണ്ടാക്കിയ ഒട്ടനവധി സ്ത്രീകൾ എക്കാലത്തും സിനിമാരംഗത്ത് ഉണ്ടായിരുന്നു. നിരവധി പ്രതിബന്ധങ്ങൾക്കിടയിലും തീജ്വാല പോലെ ഈ സ്ത്രീകൾ തിളങ്ങി നിൽക്കുന്ന, നിന്നിരുന്ന ഒരു ഇടമാണിത്. അവരെ അപമാനിക്കാനല്ല ഈ പഠനം ഉപയോഗിക്കേണ്ടത് എന്നും ഡബ്ല്യൂസിസി പ്രസ്താവനയില് ചൂണ്ടിക്കാട്ടി.
Discussion about this post