വാഷിംഗ്ടൺ: ഒരേയൊരു ഐഡിയക്ക് നൽകിയാൽ 25 കോടി വീട്ടിലെത്തിക്കാനുള്ള അവസരമെരുക്കിയിരിക്കുകയാണ് അമേരിക്കൻ ബഹിരാകാശ എജൻസിയായ നാസ. നാസയുടെ വരാൻ പോവുന്ന ചാന്ദ്ര ദൗത്യത്തിന് വേണ്ടിയാണ് നാസ ഐഡിയകൾ തേടുന്നത്. ലൂണ റിസൈക്കിൾ ചലഞ്ച് എന്ന് പേരിട്ടിരിക്കുന്ന ഈ ചലഞ്ചിൽ നിങ്ങൾക്ക് ഒറ്റക്കും കൂട്ടായും പങ്കെടുക്കാം.
മനുഷ്യൻ മൂലം ചന്ദ്രനിലുണ്ടാകുന്ന മാലിന്യങ്ങൾ ഫലപ്രദമായി നീക്കാനും പുനരുപയോഗം ചെയ്യാനും സഹായിക്കുന്ന ഒരു ഐഡിയ ആണ് നാസക്ക് നിങ്ങളിൽ നിന്നും വേണ്ടത്. നിങ്ങൾ നൽകുന്ന ഐഡിയ ഫലപ്രദമാണെന്ന് നാസക്ക് തോന്നുകയും ആ ഐഡിയ തിരഞ്ഞെടുക്കുകയും ചെയ്താൽ മൂന്ന് മില്യൺ ഡോളർ അതായത്, 25 കോടി രൂപ നിങ്ങൾക്ക് നാസ സമ്മാനമായി നൽകും.
2026 സെപ്റ്റംബറിൽ നടത്താനൊരുങ്ങുന്ന ചാന്ദ്ര ദൗത്യത്തിനായുള്ള തയ്യാറെടുപ്പിലാണ് നാസ. ചന്ദ്രനിൽ മനുഷ്യൻ കാലുകുത്തിയതിന്റെ 50 വർഷത്തിന്റെ അടയാളമായ അമ്പിളിയിൽ മനുഷ്യസാന്നിധ്യം സ്ഥിരമായി ഉറപ്പിക്കുന്നതാണ് പദ്ധതി.
എന്നാൽ, ഈ ദൗത്യം നടപ്പാക്കുമ്പോൾ ചന്ദ്രനിൽ ഖരമാലിന്യങ്ങൾ ഉപേക്ഷിക്കേണ്ടതായി വരും. ഈ പ്രതിസന്ധിയെ നേരിടാനായാണ് ലൂണ റിസൈക്കിൾ ചലഞ്ച്. ഇതിനു മുമ്പും അപ്പോളോ ഉൾപ്പെടെ നടത്തിയ ദൗത്യങ്ങളിൽ ഭക്ഷണം, പാക്കേജിംഗ് വസ്തുക്കൾ, വസ്ത്രങ്ങൾ, ശാസ്ത്രീയ പരീക്ഷണത്തിന് ഉപയോഗിച്ച വസ്തുക്കൾ എന്നിവയടങ്ങിയ മനുഷ്യഖര മാലിന്യങ്ങൾ ചന്ദ്രോപരിതലത്തിൽ ഉപേക്ഷിക്കേണ്ടി വന്നിരുന്നു. നാസയുടെ ഔദ്യോഗിക വെബ്‌സൈറ്റിൽ ഇതേക്കുറിച്ചുളള വിവരങ്ങൾ നൽകിയിട്ടുണ്ട്.
Discussion about this post