മൂന്നാർ: ഭാര്യ വീണ വിജയനൊപ്പമുള്ള പൊതുമരാമത്ത്-ടൂറിസം വകുപ്പ് മന്ത്രി മുഹമ്മദ് റിയാസിന്റെ ചിത്രങ്ങൾ സോഷ്യൽമീഡിയയിൽ വൈറലാവുന്നു. ഇടുക്കി മൂന്നാറിൽ നിന്നുള്ള ചിത്രങ്ങളാണ് വൈറലാവുന്നത്. മന്ത്രി തന്നെയാണ് ചിത്രം ഇൻസ്റ്റഗ്രാമിൽ പങ്കുവച്ചത്. കറുത്ത ജാക്കറ്റും ജീൻസുമാണ് മന്ത്രിയുടെ വേഷം സമാനമായി വീണയും സ്വെറ്ററും ജീൻസും ധരിച്ചിരിക്കുന്നത് കാണാം. രസകരമായ രീതിയിൽ ആളുകൾ ചിത്രത്തിന് താഴെ കമന്റുകൾ ഇടുന്നുണ്ട്. മന്ത്രിയുടെ സെക്കൻഡ് ഹണിമൂൺ ആണോ ഇതെന്നും ചിത്രം മനോഹരമായിരിക്കുന്നുവെന്നും പലരും കമന്റായി കുറിച്ചു.
2020 ജൂൺ 15 നാണ് അന്ന് ഡിവൈഎഫ്‌ഐ അഖിലേന്ത്യാ പ്രസിഡന്റും സിപിഎം സംസ്ഥാന കമ്മിറ്റി അംഗവുമായ പി.എ. മുഹമ്മദ് റിയാസും മുഖ്യമന്ത്രി പിണറായി വിജയന്റെ മകളുമായ വീണയും വിവാഹിതരായത്. തിരുവനന്തപുരത്ത് ക്ലിഫ് ഹൗസില്ഡ വളരെ ലളിതമായ ചടങ്ങുകളോടെയായിരുന്നു വിവാഹം. കോവിഡ് പ്രോട്ടോക്കോൾ പാലിച്ചു നടത്തിയ ചടങ്ങിൽ ഇരുവരുടെയും കുടുംബാംഗങ്ങൾ മാത്രമാണ് പങ്കെടുത്തത്. അൻപതു പേരെ മാത്രമാണ് ചടങ്ങിൽ ക്ഷണിച്ചിരുന്നത്.
ഇരുവരുടെയും രണ്ടാം വിവാഹമാണ്. മുൻ വിവാഹബന്ധം വേർപെടുത്തിയിരുന്നു.ഏറെ കാലം നീണ്ടു നിന്ന പ്രണയത്തിനൊടുവിൽ 2002 ലായിരുന്നു.മുഹമ്മദ് റിയാസിന്റെ ആദ്യ വിവാഹം. ഡോക്ടർ ആയിരുന്ന സമീഹയായിരുന്നു ഭാര്യ. രണ്ട് മക്കളുണ്ട്. പിന്നീട് 2005 ൽ വിവാഹമോചനം നേടുകയായിരുന്നു. വീണയും വിവാഹബന്ധം വേർപ്പെടുത്തിയിരുന്നു.
Discussion about this post