വെള്ളം കുടിക്കുന്നത് ശരിയായ രീതിയിലാണോ…? അറിയണം ഇക്കാര്യങ്ങള്‍..

ഒരു വ്യക്തി ഒരു ദിവസം ഏഴ് മുതൽ എട്ട് ലിറ്റർ വെള്ളും കുടിക്കണമെന്നാണ് ആരോ​ഗ്യ വിദ​ഗ്ധർ പറയുന്നത്. അത്രയും അധികം പ്രാധാന്യമാണ് മനുഷ്യ ശരീരത്തില്‍ വെള്ളത്തിന് ഉള്ളത്. നമ്മുടെ ശരീരത്തിലെ മാനില്യങ്ങളെ പുറന്തള്ളാനും ശരീരം ശുദ്ധീകരിക്കാനും ധാരാളം വെള്ളം കുടിക്കുന്നത് സഹായിക്കും.

നമ്മുടെ ശരീരത്തില്‍ 78 ശതമാനത്തോളം വെള്ളം ഉണ്ടെന്നാണ് പറയുന്നത്. വെള്ളം കുടിക്കുന്നതിന് അത്ര പ്രാധാന്യം നല്‍കാത്ത ആളുകളും നമ്മുടെ ഇടയില്‍ ഉണ്ട്. ആരോ​ഗ്യത്തിന് മാത്രമല്ല ചർമ്മത്തിനും മുടിയ്ക്കുമൊക്കെ ഏറെ നല്ലതാണ് വെള്ളം കുടിക്കുന്നത്.

പക്ഷെ വെള്ളം കുടിക്കുമ്പോൾ പലരും ചെയ്യുന്ന ചില പ്രധാന തെറ്റുകളുണ്ട്. എന്തൊക്കെയാണ് അതെന്നു നോക്കാം..

ചൂട് കൂടിയതോടെ പലർക്കും തണുത്ത വെള്ളം കുടിക്കാനാണ് ഇഷ്ടം. എന്നാല്‍, തണുത്ത വെള്ളം കുടിക്കുന്നത് ദഹനത്തെ ബാധിച്ചേക്കാം. ​ഗ്യാസ്ട്രിക് പ്രശ്നങ്ങൾക്കും ഇത് കാരണമാകാറുണ്ട്. തണുത്ത വെള്ളം കുടിക്കുമ്പോൾ കൂടുതൽ ഊർജ്ജം ചിലവഴിച്ചാൽ മാത്രമേ ഈ തണുത്ത വെള്ളത്തെ ചൂടാക്കാൻ സാധിക്കൂ. ഇത് മൂലം പിന്നീട് കഴിക്കുന്ന ഭക്ഷണം ദഹിപ്പിക്കാൻ ശരീരത്തിന് കഴിയാറില്ല. അതുകൊണ്ട് തന്നെ എപ്പോഴും റൂമിൻ്റെ താപനിലയിലുള്ള വെള്ളം വേണം എപ്പോഴും കുടിക്കാന്‍. ദഹനം മെച്ചപ്പെടുത്താൻ ചെറു ചൂട് വെള്ളം കുടിക്കുന്നത് സഹായിക്കും. രക്തയോട്ടം മികച്ചതാക്കാനും ഇത് നല്ലതാണ്.

ഭക്ഷണം കഴിച്ച ഉടനയോ അല്ലെങ്കിൽ ഭക്ഷണത്തിനിടയിലോ വെള്ളം കുടിക്കുന്നത് അത്ര നല്ല ശീലമല്ല. ഇതും ദഹനത്തെ ബാധിച്ചേക്കാം. ഭക്ഷണം കഴിക്കുന്നതിന് 30 മിനിറ്റ് മുൻപോ അല്ലെങ്കിൽ ഭക്ഷണം കഴിച്ച് 60 മുതൽ 90 മിനിറ്റിന് ശേഷമോ വേണം വെള്ളം കുടിക്കാൻ.

ചിലര്‍ ചെയ്യുന്ന ഏറ്റവും വലിയ തെറ്റാണ് ഒറ്റയടിക്ക് ഒരു പാട് വെള്ളം കുടിക്കുക എന്നത്. ഇങ്ങനെ വെള്ളം വെള്ളം കുടിക്കുന്നത് വയറിനെ ബാധിച്ചേക്കാം. നമ്മുടെ വായിലുള്ള തുപ്പൽ അലക്കലൈനാണ്. വയറിനുള്ളിലെ ആസിഡിറ്റിയെ നിർവീര്യമാക്കുന്നത് ഈ തുപ്പലാണ്. ഒറ്റയടിക്ക് ഒരുപാട് വെള്ളം കുടിക്കുമ്പോൾ അതിന് തുപ്പലുമായി യോജിക്കാനുള്ള സമയം കിട്ടില്ല. സിപ്പ് ചെയ്ത് കുടിക്കുന്നതാണ് എപ്പോഴും നല്ലത്.

ഓടി കൊണ്ടിരിക്കുമ്പോൾ അല്ലെങ്കിൽ നടക്കുമ്പോൾ വെള്ളം കുടിക്കുന്നതും വലിയ പ്രശ്നങ്ങള്‍ക്ക്‌ കാരണമാകും. ഇത്തരത്തിൽ വെള്ളം കുടിക്കുന്നത് വെള്ളം നേരിട്ട് കുടലുകളിലേക്ക് പോകാൻ കാരണമാകും. ഇങ്ങനെ ചെയ്താല്‍ ശരീരത്തിന് ആവശ്യമായ പോഷകങ്ങളും വെള്ളവും ആഗിരണം ചെയ്യാൻ സാധിക്കില്ല. ഇതുമൂലം കിഡ്നിയും മൂത്രസഞ്ചിയിലും ആവശ്യമില്ലാത്ത മാലിന്യങ്ങൾ അടിഞ്ഞ് കൂടാൻ കാരണമാകും. ശരിയായ രീതിയിൽ ഇരുന്ന് വെള്ളം കുടിക്കുന്നത് വെള്ളത്തെ ശരീരം ആഗിരണം ചെയ്യാൻ സഹായിക്കും.