2025 ലെ ഐ‌പി‌എല്ലിൽ കിരീടം നേടിയപ്പോൾ, റോയൽ ചലഞ്ചേഴ്‌സ് ബാംഗ്ലൂരിന്റെ 18 വർഷമായിട്ടുള്ള തങ്ങളുടെ കിരീടത്തിനായുള്ള കാത്തിരിപ്പ് അവസാനിപ്പിച്ചു. ജൂണിൽ നടന്ന ഫൈനലിൽ പഞ്ചാബ് കിംഗ്‌സിനെ പരാജയപ്പെടുത്തി രജത് പട്ടീദാറിന്റെ ടീം ഏറെ നാളുകളുടെ കാത്തിരിപ്പിനും ട്രോളുകൾക്കും അവസാനം കിരീടം നേടുക ആയിരുന്നു. വിരാട് കോഹ്‌ലി, ജോഷ് ഹേസൽവുഡ്, ഫിൽ സാൾട്ട് എന്നിവരെപ്പോലുള്ളവർ വിജയത്തിൽ വലിയ പങ്കുവഹിച്ചെങ്കിലും, ക്രെഡിറ്റ് ഏറ്റവും കൂടുതൽ അർഹിക്കുന്നത് പരിശീലകൻ ദിനേശ് കാർത്തിക്കാണ്.
സ്റ്റുവർട്ട് ബ്രോഡിനും ജോസ് ബട്ട്‌ലറിനുമൊപ്പം ഫോർ ദി ലവ് ഓഫ് ക്രിക്കറ്റ് പോഡ്‌കാസ്റ്റിൽ സംസാരിക്കവേ, ആർസിബി അനലിസ്റ്റ് ഫ്രെഡി വൈൽഡ് ഫ്രാഞ്ചൈസിയുടെ പ്രവർത്തനങ്ങളെയും അവരുടെ കിരീട വിജയത്തെയും കുറിച്ച് വിശദീകരിച്ചു. ദിനേശ് കാർത്തിക്കിനെയും അദ്ദേഹത്തിന്റെ കളിയുടെ വീക്ഷണത്തെയും വൈൽഡ് പ്രശംസിച്ചു. രണ്ട് വ്യത്യസ്ത ഘട്ടങ്ങളിൽ ആർ‌സി‌ബിക്ക് വേണ്ടി കളിച്ച കാർത്തിക് കഴിഞ്ഞ വർഷം ബാറ്റിംഗ് പരിശീലകനായി ടീമിൽ ചേർന്നു. ആർ‌സി‌ബിയുടെ ക്രിക്കറ്റ് ബ്രാൻഡിനെ കൂടുതൽ ആക്രമണാത്മകമാക്കാൻ ദിനേശ് പ്രേരിപ്പിച്ചു എന്നും അദ്ദേഹം പറഞ്ഞു.
എന്നിരുന്നാലും, ഗുജറാത്ത് ടൈറ്റൻസിലെ ആശിഷ് നെഹ്‌റയെപ്പോലെ, ദിനേശ് കാർത്തിക്കിനും കളിക്കളത്തിലെ കാര്യങ്ങളിൽ വളരെയധികം ശ്രദ്ധാലുവാണെന്ന് വൈൽഡ് അഭിപ്രായപ്പെട്ടു. ടൈറ്റൻസിലെ ‘പേപ്പറും പേപ്പറും’ ശൈലിയിലുള്ള പരിശീലനത്തിലൂടെ നെഹ്‌റ ശ്രദ്ധ പിടിച്ചുപറ്റിയിരുന്നു. നാല് സീസണുകളിൽ മൂന്നിലും അവർ പ്ലേഓഫിൽ എത്താൻ നെഹ്റയുടെ തന്ത്രങ്ങൾ അവരെ സഹായിച്ചു .
“ഫീൽഡർമാരെ നീക്കുന്നതിലും ക്രമീകരണങ്ങൾ വരുത്തുന്നതിലും ആശിഷ് നെഹ്‌റയെപ്പോലെ ഡികെ വളരെ ആവേശഭരിതനായിരുന്നു – രണ്ട് മത്സരങ്ങളിൽ, ഒരു ഫുട്ബോൾ മാനേജർ ചെയ്യുന്നതുപോലെ ഡികെ ഫീൽഡിൽ ചെറിയ മാറ്റങ്ങൾ വരുത്തി. സി‌എസ്‌കെയ്‌ക്കെതിരെയായിരുന്നു അത് എന്ന് ഞാൻ കരുതുന്നു, അവിടെ അദ്ദേഹം നടത്തിയ ഫീൽഡ് സെറ്റിങ് ആണ് ഞങ്ങളെ മത്സരത്തിൽ ജയിപ്പിച്ചത്.”വൈൽഡ് പറഞ്ഞു.
ഏതായാലും അടുത്ത സീസണിലും ഇപ്പോൾ ഉള്ള മികവ് തുടരാനാണ് ഇനി ആർസിബി ശ്രമിക്കുക.
Discussion about this post