സഞ്ജുവിനെ സ്നേഹിക്കുക അല്ല ചതിക്കുകയാണ് ടീം ചെയ്യുന്നത്, അത് അവന്റെ കുഴി തോണ്ടാൻ വേണ്ടിയാണ്; വമ്പൻ വെളിപ്പെടുത്തലുമായി ക്രിസ് ശ്രീകാന്ത്

2025 ലെ ഏഷ്യാ കപ്പ് മത്സരത്തിൽ യുഎഇക്കെതിരായ ഒമ്പത് വിക്കറ്റിന്റെ തകർപ്പൻ വിജയത്തിന് ശേഷം സഞ്ജു സാംസണെ മധ്യനിരയിൽ കളിപ്പിച്ചതിന് പിന്നിലെ മാനേജ്‌മെന്റിന്റെ ഉദ്ദേശ്യത്തെ മുൻ ഇന്ത്യൻ ക്യാപ്റ്റൻ ക്രിസ് ശ്രീകാന്ത് ചോദ്യം ചെയ്തു. ഇന്ത്യയുടെ ഒമ്പത് വിക്കറ്റ് വിജയത്തിൽ ആനന്ദിക്കുമ്പോൾ പോലും ഒരു താരത്തിന് ബാറ്റിംഗിന് അവസരം കിട്ടാത്തതിൽ ആരാധകർ അസ്വസ്ഥരാണ്.

കഴിഞ്ഞ വർഷം ഇന്ത്യയുടെ ഓപ്പണർ എന്ന നിലയിൽ സാംസൺ മികച്ച ഫോം പ്രകടിപ്പിച്ചിട്ടുണ്ട്, അവസാന 12 മത്സരങ്ങളിൽ 183.70 എന്ന സ്ട്രൈക്ക് റേറ്റിൽ ഏകദേശം 38 ശരാശരി നേടി. ഈ കാലയളവിൽ ടി20യിൽ മൂന്ന് സെഞ്ച്വറികൾ അദ്ദേഹം സ്വന്തമാക്കി. തന്റെ യൂട്യൂബ് ചാനലിൽ ഇതിനെക്കുറിച്ച് സംസാരിക്കവെ, ശ്രീകാന്ത്, സാംസണെ അഞ്ചാം സ്ഥാനത്ത് ബാറ്റ് ചെയ്യിക്കുന്നത് മാനേജ്മെന്റിന് ശ്രേയസ് അയ്യരെ ടീമിലേക്ക് തിരികെ കൊണ്ടുവരാനുള്ള ഒരു മാർഗമായിട്ടാണ് കാണുന്നത് എന്ന് പറഞ്ഞിരിക്കുകയാണ്:

“സഞ്ജുവിനെ അഞ്ചാം സ്ഥാനത്ത് ബാറ്റ് ചെയ്യിക്കുന്നതിലൂടെ, ശ്രേയസ് അയ്യർക്ക് ടീമിലേക്ക് തിരിച്ചുവരാൻ വഴിയൊരുക്കുകയാണെന്ന് എനിക്ക് തോന്നുന്നു. സഞ്ജു അഞ്ചാം സ്ഥാനത്ത് അധികം ബാറ്റ് ചെയ്തിട്ടില്ല, ആ സ്ഥാനത്ത് അവൻ തിളങ്ങിയിട്ടില്ല. അവിടെ അവനെ ഇറക്കരുത്. അത് അഞ്ചാം സ്ഥാനത്ത് ബാറ്റ് ചെയ്യുന്ന അദ്ദേഹത്തിന്റെ ആത്മവിശ്വാസം കെടുത്തിക്കളയും. എനിക്ക് അദ്ദേഹത്തിന്റെ കാര്യത്തിൽ വലിയ സന്തോഷമില്ല. ഇത് അദ്ദേഹത്തിന്റെ അവസാന അവസരമാണെന്ന് ഞാൻ സഞ്ജുവിനെ അറിയിക്കും. ഈ സ്ഥാനത്ത് അടുത്ത അല്ലെങ്കിൽ മൂന്ന് ഇന്നിംഗ്സുകളിൽ റൺസ് നേടാൻ അദ്ദേഹത്തിന് കഴിഞ്ഞില്ലെങ്കിൽ, ശ്രേയസ് അയ്യർ അദ്ദേഹത്തിന് പകരമെത്തും” അദ്ദേഹം പറഞ്ഞു.

“അവർ സഞ്ജു സാംസണെ മധ്യനിരയിൽ കളിപ്പിക്കുകയാണ്. ഫിനിഷറായി അവർ അദ്ദേഹത്തെ ഉപയോഗിക്കുമോ? ഇല്ല. അത് ഹാർദിക് പാണ്ഡ്യയും ശിവം ദുബെയുമായിരിക്കും. അപ്പോൾ, സാംസൺ അഞ്ചാം സ്ഥാനത്ത് കളിക്കും. അദ്ദേഹം മികച്ച പ്രകടനം കാഴ്ചവയ്ക്കുമോ? അതൊരു ചോദ്യചിഹ്നമാണ്. ജിതേഷ് ശർമ്മയ്ക്ക് പകരം നിങ്ങൾ സഞ്ജു സാംസണെ അഞ്ചാം നമ്പറിൽ ഇറക്കി എന്താണ് ഉദ്ദേശിക്കുന്നത്. ഈ തന്ത്രം ഏഷ്യാ കപ്പിൽ കുഴപ്പമില്ല, പക്ഷേ ടി20 ലോകകപ്പിൽ എങ്ങനെ നടക്കും?”

ടി20യിൽ മികച്ച പ്രകടനം കാഴ്ചവച്ചിട്ടും, കഴിഞ്ഞ അഞ്ച് മത്സരങ്ങളിൽ സാംസണിന്റെ ശരാശരി 10.20 മാത്രമാണ്. അതേസമയം, യുഎഇയ്‌ക്കെതിരായ ഇന്ത്യയുടെ ഒമ്പത് വിക്കറ്റ് വിജയത്തിൽ ഗിൽ ഒമ്പത് പന്തിൽ നിന്ന് 20 റൺസ് നേടി പുറത്താകാതെ നിന്നു.