നീയൊക്കെ അവന്റെ ആത്മവിശ്വാസം നശിപ്പിക്കും, അയാളോട് കാണിക്കുന്നത് വമ്പൻ ക്രൂരത; സഞ്ജുവിനായി വാദിച്ച് ഇതിഹാസം

മെൽബണിൽ ഓസ്‌ട്രേലിയയ്‌ക്കെതിരായ രണ്ടാം ടി20 മത്സരത്തിന് ശേഷം സഞ്ജു സാംസണെ ബാറ്റിംഗ് ഓർഡറിൽ നിരന്തരം സ്ഥാനം മാറ്റുന്നതിന് ടീം മാനേജ്‌മെന്റിനെ മുൻ ഇന്ത്യൻ ഓപ്പണർ ക്രിസ് ശ്രീകാന്ത് വിമർശിച്ചു. ശുഭ്മാൻ ഗില്ലിന്റെ വിക്കറ്റ് വീണതിന് ശേഷം മത്സരത്തിൽ മൂന്നാം നമ്പറിലാണ് സാംസൺ ബാറ്റ് ചെയ്തത്.

എന്നിരുന്നാലും, വെല്ലുവിളി നിറഞ്ഞ ബാറ്റിംഗ് സാഹചര്യങ്ങളിൽ അദ്ദേഹം പെട്ടെന്ന് തന്നെ പുറത്തായി. വെറും നാല് പന്തിൽ വെറും രണ്ട് റൺ നേടി താരം എൽബിഡബ്ല്യുവിൽ കുടുങ്ങി മടങ്ങുക ആയിരുന്നു. കഴിഞ്ഞ വർഷം മധ്യത്തിൽ നിന്ന് യുഎഇയിൽ നടന്ന ഏഷ്യാ കപ്പിന് മുമ്പ് വരെ സാംസൺ ഇന്ത്യയുടെ ടി20 ഐ ഓപ്പണറായി മികച്ച പ്രകടനം കാഴ്ചവെച്ചതാണ്.

എന്നിരുന്നാലും, ശുഭ്മാൻ ഗില്ലിനെ ഉൾപ്പെടുത്തിയതോടെ, കേരള വിക്കറ്റ് കീപ്പർ ബാറ്റ്‌സ്മാൻ മധ്യനിരയിലേക്ക് മാറി. അദ്ദേഹമാണ് ടീമിന്റെ ഉപനായകനും. “സഞ്ജു സാംസണെ അവർ എന്താണ് ചെയ്യുന്നതെന്ന് എനിക്ക് മനസ്സിലാകുന്നില്ല. ഒരു മത്സരത്തിൽ 5 ആം നമ്പറിൽ അവരെ കൊണ്ട് ബാറ്റ് ചെയ്യിപ്പിക്കുന്നു. പിന്നീട് പെട്ടെന്ന് 4, 6, 7 അല്ലെങ്കിൽ 8 ആം നമ്പറിൽ ബാറ്റ് ചെയ്യിപ്പിക്കുന്നു. ഇന്നലത്തെ മത്സരത്തിൽ 3 ആം നമ്പറിൽ ബാറ്റ് ചെയ്യിപ്പിച്ചു. അത് ശരിയല്ല, നിങ്ങൾ ഒരു നിശ്ചിത സ്ഥാനം നൽകണം. മാനസികമായി, ഒരു ബാറ്റ്സ്മാന് തയ്യാറെടുക്കാൻ കഴിയും. നിങ്ങൾക്ക് ബാറ്റിംഗ് ഓർഡർ ഇപ്പോഴും മാറ്റാൻ കഴിയില്ല. നിങ്ങൾ ആ കുട്ടിയുടെ ആത്മവിശ്വാസം നശിപ്പിക്കുകയാണ്, അത് ന്യായമല്ല.”

ഏഷ്യാ കപ്പിലേക്ക് വന്നതിന് ശേഷം ഓപ്പണിംഗ് സ്ഥാനത്ത് നിന്ന് മാറിയ സാംസൺ ബുദ്ധിമുട്ടിരുന്നു. അഞ്ച് ഇന്നിംഗ്സുകളിൽ നിന്ന് 27 ൽ താഴെ ശരാശരിയിൽ ഒരു അർദ്ധസെഞ്ച്വറി മാത്രമാണ് താരത്തിന് നേടാനായത് .