സംസ്ഥാനത്തെ ക്രിസ്ത്യൻ, മുസ്ലീം സംവരണത്തിൽ റിപ്പോർട്ട് തേടി ദേശീയ പിന്നാക്ക കമ്മീഷൻ. സംസ്ഥാനത്തെ ഒബിസി സംവരണത്തിന്റെ അവകാശങ്ങളെക്കുറിച്ച് സെപ്റ്റംബർ 9ന് നടന്ന അവലോകന യോഗത്തെ തുടർന്നാണ് ഈ നടപടി.ജാതി അടിസ്ഥാനത്തില്‍ നല്‍കേണ്ട സംവരണം കേരളത്തില്‍ മതാടിസ്ഥാനത്തില്‍ മുസ്ലീം, ക്രൈസ്തവ വിഭാഗങ്ങള്‍ക്ക് നല്‍കുന്നുവെന്നാണ് കമ്മിഷന്‍റെ ചെയര്‍മാ‍ന്‍ ഹൻസ്രാജ് അഹറിന്‍റെ കണ്ടെത്തല്‍.
ഒബിസി, പിന്നാക്ക വിഭാഗങ്ങളിൽപ്പെട്ട ചില ജാതിവിഭാഗങ്ങൾക്ക് മതത്തിന്റെ പേരിൽ സംവരണം നൽകിയിട്ടുണ്ടെന്നും, അതിൽ 10 ശതമാനം എല്ലാ മുസ്ലീങ്ങൾക്കും 6 ശതമാനം ക്രിസ്ത്യാനികൾക്കുമാണെന്നും, ഇതിലൂടെ യഥാർത്ഥ ഒബിസി സമുദായങ്ങളുടെ അവകാശങ്ങൾ കവർന്നെടുത്ത് രാഷ്ട്രീയ നേട്ടത്തിനായി മുസ്ലീങ്ങൾക്കും ക്രിസ്ത്യാനികൾക്കും സംവരണ ആനുകൂല്യങ്ങൾ നൽകുകയാണെന്നും യോഗം കുറ്റപ്പെടുത്തിയിരുന്നു.
മതത്തിന്റെ പേരിൽ സംവരണത്തിനുള്ള തെളിവുകളും മാനദണ്ഡവും സംബന്ധിച്ച വിവരങ്ങൾ സമർപ്പിക്കാൻ കമ്മീഷൻ ആവശ്യപ്പെട്ടു. ഒബിസി സംവരണത്തിന്റെ ഇത്തരം കൊള്ളയടികൾ ശരിയല്ലെന്ന് കണക്കിലെടുത്ത്, യഥാർത്ഥ ഒബിസികളുടെ അവകാശ പ്രകാരം, നിയമങ്ങൾ അനുസരിച്ച്, ജാതി ചേർക്കണമെന്ന് കമ്മീഷൻ നിർദ്ദേശിച്ചു.
Discussion about this post