വിവിധ മത്സ്യങ്ങളുള്പ്പെടെയുള്ള ചില ജീവികളെ ജീവനോടെ ഭക്ഷിക്കുന്നത് ചൈനയടക്കം പല രാജ്യങ്ങളിലെയും പതിവാണ്. ഇത്തരത്തില് തീന്മേശയിലെ തിളച്ചുമറിയുന്ന പാത്രത്തില് നിന്ന് കഴിക്കാനായി എടുത്ത ഒരു ചെമ്മീന് അതിനെ കഴിക്കാന് ശ്രമിച്ച യുവതിയെ ആക്രമിച്ചതിന്റെ ഒരു വീഡിയോയാണ് ഇപ്പോള് സോഷ്യല്മീഡിയയില് വൈറലാകുന്നത്.
മാര്കോവാട്സ് എന്ന ഇന്സ്റ്റഗ്രാം പേജിലൂടെയാണ് ഈ വീഡിയോ പുറത്തുവന്നത്. ചൈനയിലെ ഏതോ ഒരു റെസ്റ്റോറന്റിലാണ് സംഭവം. ചെമ്മീനെ ഭക്ഷിക്കുന്നതിനായി എടുത്ത യുവതിയെ ഞെട്ടിച്ച് പെട്ടെന്ന് ജീവി പിടയ്ക്കാന് തുടങ്ങി. തിളച്ച വെള്ളമുള്ള പാത്രത്തിലേക്ക് ഇട്ടതും പെട്ടെന്ന് ചെമ്മീന് പെട്ടെന്ന് യുവതിയുടെ കൈത്തണ്ടയില് പിടുത്തമിട്ടു. വേദനകൊണ്ട് പുളഞ്ഞ യുവതി കുടഞ്ഞെറിയാന് ശ്രമിച്ചെങ്കിലും ജീവി പിടിവിട്ടില്ല.
യുവതിയുടെ നിലവിളി കേട്ട് ഒരു റെസ്റ്റോറെന്റ് ജീവനക്കാരന് സഹായത്തിനായി ഓടിയെത്തി ഒരു വിധത്തില് ചെമ്മീനെ പിടിച്ചുമാറ്റി. നിരവധി പേരാണ് ചെമ്മീന് അനുകൂലമായും അമ്പരന്നും കമന്റ് ചെയ്തിരിക്കുന്നത്. എന്തൊരു അത്ഭുതമാണ് അതിന്റെ തിരിച്ചടി.പാവം ജീവനോടെ പാകം ചെയ്യപ്പെടാന് ഇഷ്ടപ്പെടാത്തതാണ് അത്.
മാന്റിസ് ഷ്റിംപ് എന്ന് വിളിക്കപ്പെടുന്ന ചെമ്മീനായിരുന്നു വീഡിയോയില് കണ്ടത്. ശക്തമായ കൈകളുള്ളവയാണ് ഇവ. മനുഷ്യന്റെ വിരല് ഒടിക്കാനോ ഒരു ഗ്ളാസ് തകര്ക്കാനോ ഒക്കെ കഴിയുന്നത്ര പ്രഹരം ഏല്പ്പിക്കാന് ഇവയ്ക്ക് കഴിയും.
Discussion about this post