വിജയദശമി ആഘോഷങ്ങൾക്കിടെ അതിർത്തി സംരക്ഷിക്കുന്ന സൈനികരെയോർക്കണമെന്നും അവർക്കായി ഇന്ന് വീടുകളിൽ വിളക്കുകൾ തെളിയിക്കണമെന്നും പ്രധാനമന്ത്രി നരേന്ദ്രമോദി. പ്രധാനമന്ത്രിയുടെ പ്രതിമാസ റേഡിയോ പരിപാടിയായ ‘മൻ കി ബാത്തി’ലാണ് അദ്ദേഹം ഇക്കാര്യം പറഞ്ഞത്.
ജനങ്ങൾക്ക് വിജയദശമി ആശംസകൾ നേർന്നതിനോടൊപ്പം കോവിഡ് പ്രതിസന്ധി നിലനിൽക്കുന്ന ഈ സാഹചര്യത്തിൽ ആഘോഷ പരിപാടികളെല്ലാം കോവിഡ് മാനദണ്ഡങ്ങൾ പാലിച്ചു കൊണ്ടായിരിക്കണമെന്ന് അദ്ദേഹം നിർദേശിച്ചു. ഇത്തരം ആഘോഷപരിപാടികൾക്ക് പുതിയ സാധനസാമഗ്രികൾ വാങ്ങുമ്പോൾ കഴിയുന്നതും തദ്ദേശീയമായി നിർമിച്ച ഉൽപ്പന്നങ്ങൾ വാങ്ങാൻ ശ്രമിക്കണമെന്നും അതിലൂടെ മാത്രമെ ‘വോക്കൽ ഫോർ ലോക്കലി’നെ കൂടുതൽ പ്രോത്സാഹിപ്പിക്കാൻ സാധിക്കുകയുള്ളുവെന്നും പ്രധാനമന്ത്രി അഭിപ്രായപ്പെട്ടു.
ഒക്ടോബർ -31 ന് ജന്മദിനമാഘോഷിക്കുന്ന ഇന്ത്യയുടെ ആദ്യ ആഭ്യന്തര മന്ത്രി സർദാർ വല്ലഭായ് പട്ടേലിന് ‘മൻ കി ബാത്തി’ൽ പ്രധാനമന്ത്രി നരേന്ദ്രമോദി ആദരവർപ്പിച്ചു.
Discussion about this post