കശ്മീര്: കശ്മീരിലെ പൂഞ്ച് ജില്ലയില് പാകിസ്ഥാന് നടത്തിയ വെടിവെപ്പില് ഒരു സൈനികന് വീരമൃത്യു. പവന് സിങ് സുഗ്ര എന്ന സൈനികനാണ് കൊല്ലപ്പെട്ടത്. വെടിവെപ്പില് ഗുരുതരമായ പരിക്കേറ്റ പവന് സിങ്ങിനെ ആശുപത്രിയില് പ്രവേശിപ്പിച്ചെങ്കിലും ചികിത്സയ്ക്കിടെ മരണം സംഭവിക്കുകയായിരുന്നു.
പാകിസ്ഥാന് വെടിനിര്ത്തല് കരാര് ലംഘിച്ചതാണ് സംഭവത്തിനു കാരണമെന്ന് സേനാവൃത്തങ്ങള് അറിയിച്ചു. മാന്കോട്ടെ ബാല്നോയി മേഖലയിലെ സൈനികപോസ്റ്റിനെ ലക്ഷ്യമാക്കിയായിരുന്നു പാക് സൈന്യം വെടിവയ്പ്പ് നടത്തിയത്.
ബാരാമുള്ള ജില്ലയിലെ ഉറി മേഖലയിലും കഴിഞ്ഞദിവസം പാകിസ്ഥാന് വെടിനിര്ത്തല് കരാര് ലംഘിച്ചിരുന്നു. സംഭവത്തില് ഒരു സൈനികനു പരിക്കേല്ക്കുകയും ചെയ്തിരുന്നു. ഈ വര്ഷം ആദ്യം മുതല് ഓഗസ്റ്റ് ഒന്നു വരെയുള്ള കണക്കു പ്രകാരം 285 തവണ പാകിസ്ഥാന് വെടിനിര്ത്തല് കരാര് ലംഘിച്ചിട്ടുണ്ടെന്ന് സൈന്യം അറിയിച്ചു.
Discussion about this post