ഡല്ഹി: ദൂരദര്ശന്,മൊബൈലില് സൗജന്യമായി ചാനല് ലഭ്യമാക്കുന്നതിനുള്ള പദ്ധതി ആവിഷ്ക്കരിക്കുന്നു. മൊബൈല് ഇന്റര്നെറ്റോ, ബ്രോഡ്ബാന്റോ, വൈഫൈ സര്വീസോ ഇല്ലാതെ സ്മാര്ട്ട് ഫോണുകളില് മൊബൈലില് ദൂരദര്ശന് ചാനലുകള് സൗജന്യമായി ലഭ്യമാക്കുന്ന പദ്ധതിയുമായാണ് പ്രസാര് ഭാരതി തിരിച്ചുവരവിനൊരുങ്ങുന്നത്.ഇന്റര്നെറ്റും വൈഫൈയും ഇല്ലാതെ തന്നെ ദൂരദര്ശന് ചാനലുകള് കാണാമെന്നതാണ് ഈ പദ്ധതിയുടെ പ്രത്യേകത.
സ്വകാര്യ ചാനലുകളുമായുള്ള മത്സരത്തിനിടെ പിടിച്ചു നില്ക്കാനുള്ള ശ്രമത്തിന്റെ ഭാഗമായാണ് പദ്ധതി.
ഈ പദ്ധതിയിലൂടെ ദൂരദര്ശന്റെ 20 സൗജന്യ ടെലിവിഷന് ചാനലുകളും എഫ്എം ഗോള്ഡടക്കമുളള എല്ലാ റേഡിയോ ചാനലുകളും സ്മാര്ട്ട് ഫോണുകളിലൂടെ ലഭ്യമാകും.
ഇതു സംബന്ധിച്ച പദ്ധതി രൂപരേഖ പ്രസാര്ഭാരതി വാര്ത്താവിതരണ മന്ത്രാലയത്തിന് സമര്പ്പിച്ചു. ചാനലുകള് ലഭിക്കുന്നതിനായി പ്രത്യേക ഡോങ്കിള് ഫോണില് ഘടിപ്പിക്കണം.
ഡോങ്കിള് സ്മാര്ട്ട് ഫോണുകളില് ഘടിപ്പിക്കാനുളള ഹാര്ഡ്വെയര് സംവിധാനം ഒരുക്കാന് പ്രമുഖ മൊബൈല് നിര്മ്മാതാക്കളുമായി ചര്ച്ച ആരംഭിച്ചതായി പ്രസാര് ഭാരതി സി.ഇ.ഒ ജവഹര് സിര്കാര് അറിയിച്ചു.
Discussion about this post